Comfort from the Word – Day 10

₃₃Morena, nthute ho tsamaya

ho ya ka thato ya hao,

ke tle ke e latele ho isa qetellong.

₃₄Nnee kutlwisiso

ke tle ke hlomphe Molao wa hao,

ke o boloke ka pelo ya ka yohle.

₁₂₉Ditemoso tsa hao di a tsoteha,

ke ka hoo ke di latelang.

₁₃₀Qaqiso ya mantswe a hao e a edisa,

ba hlokang mano

e ba nea kutlwisiso.

₁₃₁Ke ahlamisa molomo wa ka,

ke sisa pelo

ke ho labalabela melao ya hao.

₁₃₂Retelehela ho nna, o nkgauhele,

jwalokaha ho lokela

ba ratang lebitso la hao.

₁₃₃Matlafatsa mehato ya ka

ho ya ka tshepiso ya hao,

o se dumelle hore ke buswe ke bobe.

₁₀Ke o batla ka pelo ya ka yohle;

se ntumelle ho kgeloha,

ho kgeloha melao ya hao.

₁₁Ke bolokile tshepiso ya hao,

ka e boloka ka pelong ya ka,

hore ke se ke ka o sitelwa.