Eleven days of readings praising God.
1Pesalema ya Davida.
Boka Morena, wena moya wa ka;
botho bohle ba ka
bo boke bitso la hae le halalelang.
2Boka Morena, wena moya wa ka;
o se ke wa lebala
melemo yohle ya hae.
3Ke yena ya o tshwarelang
melato ya hao kaofela,
ke yena ya o fodisang
mahlokong a hao kaofela.
4Ke yena ya o lopollang lebitleng,
ke yena ya o qhakang ka mohau,
ya o qhakang le ka lerato.
5Ke yena ya o fepang tse molemo
bophelong bohle ba hao,
hore o boele o ntjhafale,
o ntjhafale jwaloka ntsu.
6Morena o sebetsa ka ho loka,
o ahlolela bohle ba hateletsweng.
