8“Wena Efraime, nka o lahla jwang?
Wena Iseraele,
ka neelana ka wena jwang?
Nka o timetsa sa Adema jwang?
Ka o etsisa Seboime jwang?
Pelo ya ka e nkganela ho etsa jwalo,
lerato la ka le a hlasimoloha.
9Nke ke ka phetha tsa kgalefo ya ka,
nke ke ka timetsa Efraime hape,
hoba nna ke Modimo, ha ke motho;
ke Ya Halalelang ya dulang hara lona,
ha nka ke ka tla ke halefile.
10Etlare ha Morena a puruma sa tau,
tjhaba sa hae se mo sale morao;
etlare ha a puruma,
bana ba hae ba tle,
ba tle ba thothomela,
ba etswa bophirima.
11Ba tla pakasela sa nonyana e fofa,
ba pakasele ba etswa Egepeta,
ba pakasele sa leeba ba etswa Asiria,
ke ba ahise matlung a bona,”
ho rialo Morena.
