ISAHLUKO 5

₁NGA i bona esandhleni sokunene sake owa e hlala esihlalweni sobukosi incwadi, i lotyiwe ngapakati na ngapandhle, i gcinwe ngezimpau ezi isikombisa.

₂Nga bona ingelosi e namandhla, i memeza ngezwi elikulu, i ti, Ubani o fanele ukupenya incwadi, nokunamulula izimpau zayo na?

₃Kwa ku nge ko namunye ezulwini, na semhlabeni, na ngapansi komhlaba, owa e namandhla okupenya incwadi, nokuibheka.

₄Nga kala kakulu ngokuba e nga funyanwanga namunye o fanele ukupenya incwadi nokuibheka.

₅Omunye kuwo amalunga wa ti kimi, U nga kali; bheka, iNgonyama yomndeni ka Juda, iMpande ka Davida, yahlulile, ya penya incwadi, nezimpau ezi isikombisa zayo.

₆Ngapakati kwesihlalo sobukosi nezidalwa ezine, nga pakati kwamalunga, nga bona iUndhlu li mi, njengokungati li hlatyiwe, li nezimpondo ezi isikombisa, namehlo a isikombisa, a ngomoya aba isikombisa baka Tixo aba tunyelwe emhlabeni wonke.

₇Leza la tabata incwadi i sesandhleni sokunene sa lowo owa e hlala esihlalweni.

₈Lapo se li tabatile incwadi, izidalwa ezine, namalunga amashumi amabili nane, a kotama pambi kweUndhlu, ilelo li nogubu, negaba legolide li gcwele ipunga, eli ukukuleka kwabangcwele.

₉A hlabelela igama elitya, a ti, Wena u fanele ukutabata incwadi, nokunamulula izimpau zayo; ngokuba wa hlatywa, wa si tenga ngegazi lako kuyo yonke imindeni, nezilimi, nabantu, nezizwe, si be abaka Tixo;

₁₀Wa senza amakosi nabapristi baka Tixo wetu; si ya kubusa emhlabeni.

₁₁Nga bona, ngezwa izwi lezingelosi eziningi za nge sesihlalweni, na sezidalweni, na semalungeni; ukuma kwazo kwa ku izinkulungwane ezi ishumi kwezinkulungwane ezi ishumi, nezinkulungwane zezinkulungwane,

₁₂Zi ti, ngezwi elikulu, Li fanele iUndhlu elihlatyiweyo ukwamkela amandhla, nomcebo, nokuhlakanipa, nobuqawe, nodumo, nobukosi, nokubongwa.

₁₃Izinto zonke ezidatyuliweyo ezi sezulwini, nezi semhlabeni nezi ngapansi komhlaba, nezi selwandhle, zonke ezi kona kuko, nga zi zwa zi ti, Ukubongwa, nodumo, nobukosi, namandhla, a ku be kuye o hlala esihlalweni, na kulo iUndhlu, ku ze ku be pakade.

₁₄Izidalwa ezine za ti, Ameni. Amalunga amashumi amane nane a kotama, a m dumisa yena ohlalayo ku ze ku be pakade.