IZIHLABELELO 8

₁JEHOVA, Nkosi yetu, igama lako li ya babazeka kangaka emhlabeni wonke! o beke ukukazimula kwako pezu kwezulu.

₂Emlonyeni wezingane nowabancelayo u zimisele udumiso ngazo izita zako, ukuze u tulise ozondayo nopindisayo.

₃Lapo ngi bona izulu lako, umsebenzi weminwe yako, inyanga nezinkanyezi o z'enzileyo.

₄Umuntu u ini ukuba u m kumbule? nendodana yomuntu ukuba u yi nake na?

₅U m enze a silale kancane ku noTixo, u m hlobisile ngokukazimula na ngobukosi.

₆U m busisile pezu kwemisebenzi yezandhla zako; u beke konke pansi kwezinyawo zake.

₇Izimvu, nezinkomo zonke, nezilwane zomhlabati;

₈Nezinyoni zezulu, nezinhlanzi zolwandhle, nokudhlula ezindhleleni zolwandhle.

₉Jehova Nkosi yetu, igama lako li ya babazeka kangaka emhlabeni wonke!