ISAHLUKO 12

₁YENA o tanda isifundiso, u tanda ukwazi; kanti o zonda ukululeka, u yisipukupuku.

₂Olungileyo wo zuza umusa kuJehova, kepake umuntu wamacebo amabi u ya kulahlwa.

₃Umuntu a ka yi ku qiniswa ngokubi, kodwa impande yabalungileyo a i yi ku zanyazanyiswa.

₄Umfazi oqoto u umqele kuyo indoda yake, kepa o hlazisayo u njengokubola kwamatambo ayo.

₅Imicabango yabalungileyo i ukulungisa, kepa ukuqondisa kwababi ku inkohliso.

₆Amazwi ababi a ngukuqamela igazi, kepa umlomo wabaqoto u ya kubasindisa.

₇Ababi ba ya citwa ba nga biko, kepa indhlu yolungileyo i ya kuma.

₈Umuntu ngokuqikela kwake u ya dunyiswa, kodwa o pambene enhliziyweni wo delwa.

₉Odelwayo e nenceku, u ya ku m ahlula yena o zikulisayo kepa e ntula isinkwa.

₁₀Olungileyo u ya katalela ukupila kwesilwane sake, kepa isisa samashinga si unya.

₁₁O lima insimu yake wo suta ukudhla; kodwa o landela izidenge u ntula ingqondo.

₁₂Omubi u ya fisa impango yabangalungile, kodwa impande yabalungileyo yo tela.

₁₃Ngokona kwezindebe ku kona ukubadjwa komubi; kanti olungileyo wo puma ekuhlupekeni.

₁₄Ngokutela komlomo womuntu wo vama ngokulungileyo, nomvuzo wezandhla zomuntu wo buyiselwa kuye.

₁₅Indhlela yesiula i lungile emehlweni aso, kepa o lalela ukululekwa u hlakanipile.

₁₆Isiula inkatazo yaso yaziwa ngosuku lwayo, kanti o sibekela ihlazo u hlakanipile.

₁₇O pefumula iqiniso, u kuluma okufaneleyo; kepa ufakazi wamanga, inkohliso.

₁₈Ba kona aba kuluma amagama amaningi njengokuhlaba kwenkemba, kodwa ulimi lwabaqondileyo lu yimpiliso.

₁₉Udebe lweqiniso lu ya kuma ku ze ku be pakade, kodwa ulimi lwenkohliso ngokupazima kupela.

₂₀Inkohliso i sezinhliziyweni zabo aba cabangela okubi, kodwa kwabaqondisa inhlalo enhle ku kona injabulo.

₂₁Olungileyo a ka yi kwehlelwa ingozi neyodwa, kodwa ababi bo gcwala ububi.

₂₂Izindebe ezikohlisayo zi yisinengiso kuJehova, kepa abenza iqiniso ba yintokozo yake.

₂₃Umuntu o hlakanipileyo u ya fihla ukwazi, kanti inhliziyo yeziula i ya pimisela ubuula.

₂₄Isandhla sabakuteleyo so busa, kodwa onqenayo wo teliswa.

₂₅Uvalo enhliziyweni yomuntu lo yi tobisa, kodwa izwi elimnandi lo yi jabulisa.

₂₆Olungileyo u ya si qondisa isihlobo sake, kanti indhlela yabashingayo i ya ku bedusa.

₂₇O nqenayo aka yi kosa inyamazane yake, kepa imfuyo yesikutali i ya sinda.

₂₈Ekuhambeni kokulunga, ku kona ukupila; na sendhleleni yako a ku ko ukufa.