ISAHLUKO 3

₁KEPA, bazalwane bami, jabulani eNkosini. Ukunilobela loku a kunzima kimina; ku ukugcina kinina.

₂Xwayani izinja, xwayani izisebenzi ezibi, xwayani ukusika.

₃Si ngabokusoka tina, esi konza uTixo ngomoya, si tokoza ngaye uKristu Jesu, si ngetembi enyameni.

₄Noko ngi nga ba nokwetemba mina enyameni. Uma e kona omunye muntu o nga tyo ukuti, u nokwetemba enyameni, mina ngi nako kakulu;

₅Ngi ngowabasokileyo ngosuku lwesishiyagalombili, ngi ngowesizwe sika Israeli, ngi ngowendhlu ka Benjamini, umHeberu kubaHeberu; ngokomteto be ngi umFarisi;

₆Ngokukutala be ngi hlupa amabandhla; ngokulunga oku ngomteto, be ngi nge nacala.

₇Kepa loku okwa ku inzuzo kimi, nga ku tyaya indiva ngenxa ka Kristu.

₈Yebo, konke ngi ku tyaya indiva ngobukulu bokumazi uKristu Jesu, iNkosi yami, engi lahlekelwe konke ngenxa yake, ngi ku tyaya izibi, ngi ze ngi zuze uKristu,

₉Ngi funyanwe kuyena, ngi nge nako ukulunga kwami, oku ya ngomteto, ngi be na loko oku ya ngokukolwa uKristu, ngi tyo ukulunga oku vela kuTixo ngokukolwa.

₁₀Ukuze ngi m azi yena, namandhla okuvuka kwake, nokuhlanganyela izinhlupeko zake, ngi m fuze ngokufa kwake.

₁₁Ku ze ku ti mhlaumbe ngi finyelele ekuvukeni kwabafileyo.

₁₂A ngi tyo, se ngi finyelela, nokuti se ngi fezile; kepa ngi ya qinisa, ku nga ti mhlaumbe, ngi ku bambe loko, enga banjelwa kona uKristu.

₁₃Bazalwane, a ngi tyo, ngi ku bambile; kepa ngi tyo loku kupela, ngi kohlwa okungasemva, ngi zelulela okupambili,

₁₄Ngi ya qinisa ngi qonda kuwo umgomo, ngi ze ngi zuze umvuzo wokubiza kwa sezulwini kuka Tixo ngoKristu Jesu.

₁₅Ngakoke, tina sonke esipelele a si be nokuqonda okunjalo; kepa noma ni nokuqonda okunye, uTixo u ya kunambulela na loko.

₁₆Kepa a si bambe ngako loko esi finyelele kuko, si be nakuqonda kunye.

₁₇Bazalwane, ngi lingiseni, ni ba bhekisise aba hamba njalo, loku tina si isiboniso kini.

₁₈Ngokuba abaningi be hamba, e be ngi ni tyela futifuti, ngabo, na manje ngi ni tyela ngi kala, ngi ti, ba izita esipambanweni sika Kristu,

₁₉Ukupela kwabo ku ukubujiswa, utixo wabo u isisu, udumo lwabo lu sehlazweni labo, be naka okomhlaba.

₂₀Ngokuba ikiti li sezulwini; lapo si bheka kona ukuvela komsindisi, iNkosi uJesu Kristu;

₂₁O ya kuguqula umzimba wetu wobupansi, u ze u fane nomzimba wake okazimulayo, ngokusebenza a namandhla ngako ukuzihlelela konke.