ISAHLUKO 8

₁NGA leyomihla abantu be baningi be nge nakudhla, uJesu, wa biza abafundi bake, wa ti kubo,

₂Ngi ya ba haukela abantu, se ku izinsuku ezintatu be hlezi nami be nge nakudhla;

₃Uma ngi ba mukisela emakaya abo, be lambile, ba ya kukatala endhleleni, loku abanye ba vela kude.

₄Abafundi bake ba m pendula ba ti, Umuntu a nga tolapi lapa ehlane ukudhla kokusutisa laba na?

₅uJesu wa ba buza wa ti, Ni nezinkwa zi ngapi na? Ba ti, Zi isikombisa.

₆Wa tyela abantu ukuba ba hlale pansi; wa tabata izinkwa ezi isikombisa, wa bonga, wa zi hlepula, wa nika abafundi bake, ukuba ba babele; ba babela abantu.

₇Ba be nezinhlanzana ezi incozana; wa bonga, wa tyo ukuba ba babele nazo.

₈Ba dhla, besuta; ba buta imvutuluka eseleyo amaqoma a isikombisa.

₉Aba be dhlile ba be nga ti izinkulungwane ezine; wa ba mukisa.

₁₀Wa se e ngena emkunjini nabafundi bake, weza ezweni la seDalmanuta.

₁₁Kwa fika abaFarisi, ba qala ukumbuza, be funa kuye isibonakaliso sa sezulwini, be m linga.

₁₂Wa bubula kakulu ngomoya wake, wa ti, Lesisizukulwane si funelani isibonakaliso na? Ngi qinisile ngi ti kini, Lesisizukulwane a si yi kunikwa isibonakaliso.

₁₃Wa ba shiya, wa buya wa ngena emkunjini, wemuka wa ya ngapesheya.

₁₄Ba be kohliwe ukupata izinkwa, be nge nasinkwa emkunjini, si sinye kupela.

₁₅Wa ba yala wa ti, Bhekani, ni xwaye imvubelo yabaFarisi, nemvubelo ka Herodi.

₁₆Ba zindhlisana ba ti, U tyo ngokuba si nge nakudhla.

₁₇uJesu e kwazi wa ti kubo, Ni zindhlisanelani, ni ti, ku ngokuba ni nge nakudhla na? A ni ka qondi, a ni ka zwisisi ini na? inhliziyo yenu i se lukuni na?

₁₈Ni namehlo, a ni boni na? ni nezindhlebe, a ni zwa na? a ni kumbuli na?

₁₉Umsukwana be ngi hlepula izinkwa ezi isihlanu, nga babela aba izinkulungwane ezi isihlanu, na buta amaqoma mangapi e gcwele imvutuluka na? Ba ti kuye, Ishumi nambili.

₂₀Nomsukwana be ngi hlepula ezi isikombisa, nga babela aba izinkulungwane ezine, na buta amaqoma mangapi e gcwele imvutuluka na? Ba ti, isikombisa.

₂₁Wa ti kubo, A ni qondi ngani na?

₂₂Wa fika eBetsaida, ba leta kuye umuntu o impumpute, ba m ncenga ukuba a m namate.

₂₃Wa i pata impumpute ngesandhla, wa i holela ngapandhle komuzi; wa fela amate emehleweni ayo, wa beka izandhla pezu kwayo, wa i buza ukuba i bona luto.

₂₄Wa bheka, wa ti, Ngi bona abantu be hamba ku nga ti imiti.

₂₅Wa buya wa beka izandhla pezu kwamehlo ayo, wa i bhekisa: ya sindiswa, ya ba bonisisa bonke.

₂₆Wa i tumela endhlini yayo e ti, U nga ngeni emzini, u nga tyeli umuntu emzini.

₂₇uJesu wa puma nabafundi bake, ba ya emizini ya seKesaria Filipu; be sendhleleni wa buza abafundi bake, e ti kubo, Abantu ba ti, ngi ngubani na?

₂₈Ba pendula ba ti, uJohane umbapatizi; abanye ba ti, uElija; abanye ba ti, Omunye kubaprofeti.

₂₉Wa ti kubo, Kodwa nina ni ti ngi ngubani na? uPetro wa pendula wa ti kuye, Wena u nguKristu.

₃₀Wa ba yala ukuba ba nga tyeli umuntu ngaye.

₃₁Wa qala ukubafundisa ngokuti, iNdodana yomuntu i za kuhlupeka kakulu, i delwe amalunga, nabapristi abakulu, nababali, i bulawe, i buye i vuke ngasemva kwezinsuku ezintatu.

₃₂Wa tyo lelizwi e pumesela. uPetro wa m tabata, wa qala ukumkuza.

₃₃Wa penduka, wa bona abafundi bake, wa m kuza uPetro, e ti, Suka Satani, a u naki okuka Tixo, u naka okwabantu.

₃₄Wa biza abantu nabafundi bake wa ti kubo, O tanda ukungilandela, a ka zidele a tabate isipambano sake, a ngi landele.

₃₅Ngokuba o tanda ukusindisa ukupila kwake, wo ku lahlekelwa; kodwa o lahlekelwa ukupila kwake ngenxa yami, neyevangeli, wo ku sindisa.

₃₆Ku ya kumsizani umuntu, uma e zuza izwe lonke, a lahlekelwe umpefumelo wake na?

₃₇Umuntu a nga hlenga ngani umpefumlo wake na?

₃₈Lowo o nezinhloni ngami, na ngamazwi ami ku lesisizukulwane esipingayo nesonayo, iNdodana yomuntu i ya kuba nezinhloni ngaye lapo i za ngobukosi buka Yise kanye nezingelosi ezingcwele.