ISAHLUKO 27

₁UJEHOVA wa tyo kuMosi, wa ti,

₂Yityo kwabaka Israeli, u ti kubo, Nxa umuntu e tembisa ngesitembiso esitile, imipefumlo yo ba eka Jehova ngokulinganisa.

₃Ukulinganiswa kowesilisa o neminyaka emashumi amabili ku ze ku be emashumi a isitupa, ukulinganiswa ko ba amashekeli esiliva a ngamashumi a isihlanu, ngeshekeli lendawo engcwele.

₄Uma ku ngowesifazana ukulinganiswa ko ba amashekeli amashumi amatatu.

₅Uma e neminyaka emihlanu ku ze kube emashumi amabili, ukulinganiswa kowesilisa ko ba amashekeli amashumi amabili, okowesifazana ko ba amashekeli a ishumi.

₆Uma e nenyanga ku ze ku be iminyaka e isihlanu, ukulinganiswa kowesilisa ko ba amashekeli a isihlanu esiliva okowesifazana ko ba amashekeli amatatu esiliva.

₇Uma e neminyaka emashumi a isitupa nedhlulayo, uma ku ngowesilisa, ukulinganiswa kwake ko ba amashekeli a ishumi nesihlanu, nokowesifazana ko ba amashekeli a ishumi.

₈Kodwa uma e mpofu, e nge nakutela a kulinganiselweyo, a keze kumpristi, umpristi ka m linganisele; umpristi ka m linganisele ngokwamandhla ake owetembisayo.

₉Uma ku izilwane ezi nga nikelwa kuJehova, zonke lezi ezinikelwa umuntu kuJehova zo ba ngcwele.

₁₀Ka nga zi guquli, ka nga zenani ngezinye, esihle ngesibi, esibi ngesihle; uma enana isilwane ngesilwane, sona naso okwenanwa ngaso zo ba ngcwele.

₁₁Uma ku isilwane esingcolileyo, esi nge nikelwe kuJehova, ka si lete isilwane kumpristi;

₁₂Umpristi ka si linganise, nomasihle noma sibi; so ba ngokulinganisa kompristi.

₁₃Kepa uma e si hlenga ka kwengezele okwesihlanu kwaso kuso isilinganiso.

₁₄Nxa umuntu e ngcwelisa indhlu yake i be ngcwele kuJehova, umpristi ka i linganise, noma inhle noma imbi; yo ma ngokulinganisa kompristi.

₁₅Uma o i ngcwelisayo e hlenga indhlu yake, ka kwengezele kuyo okwesihlanu kwemali yesilinganiso, yo ba eyake.

₁₆Uma umuntu e ngcwelisa kuJehova inxenye yezwe lefa lake, ko linganiswa ngembeu yalo; ihomeri lembeu yebarle a li be ngokulinganiswa amashekeli amashumi amahlanu esiliva.

₁₇Uma e ngcwelisa izwe lake ngomnyaka wokujabula, ka li me ngesilinganiso.

₁₈Kepa uma e ngcwelisa izwe lake emva komnyaka wokujabula, umpristi ka m linganisele imali ngeminyaka eseleyo ku ze ku fike umnyaka wokujabula, ko ncityiswa isilinganiso.

₁₉Uma owa ngcwelisayo izwe e li hlenga ka kwengezele kulo okwesihlanu kwemali yesilinganiso, lo hlala li be elake.

₂₀Uma e nga hlengi izwe, noma e tengisa ngezwe komunye, a li sa yi kuhlengwa.

₂₁Izwe, ekupumeni kwalo ngomnyaka wokutokoza, lo ba ngcwele kuJehova, njengezwe eli ngcweliswayo; li ya kudhliwa umpristi.

₂₂Uma umuntu e ngcwelisa kuJehova izwe a li tengileyo, eli nge silo izwe lefa lake,

₂₃Umpristi ka tyo kuye imali yesilinganiso ku ze ku fike umnyaka wokujabula; ka nike isilinganiso ngalolosuku si be ngcwele kuJehova.

₂₄Ngomnyaka wokujabula izwe li ya kubuyela kuyena ela tengwa kuye, kuyena owa li dhlayo ifa lezwe.

₂₅Ukulinganisa konke ko ba ngeshekeli lendawo engcwele; amagira amashumi amabili a ishekeli.

₂₆Kepa izibulo lesilwane, li izibulo lika Jehova, a li nga ngcweliswa muntu; noma li inkomo, noma li imvu, li nge lika Jehova.

₂₇Uma ku isilwane esingcolileyo, ka si kulule ngesilinganiso, a kwengezele kuso okwesihlanu kwaso; uma si nga hlengwa, a ku tengwe ngaso ngesilinganiso.

₂₈Kodwa a i ko into enikelweyo, umuntu a i nikelayo kuJehova, kuko konke a nako, noma kubantu, noma ezilwaneni, noma ezweni lefa lake, oku nga tengiswa ngayo, i hlengwe; konke okunikelwayo ku ngcwelengcwele kuJehova.

₂₉A ku ko umuntu o nikelwayo o nga kululwa; u ya kubulawa impela.

₃₀Nokweshumi konke kwezwe, noma ku imbeu, noma ku izitelo zemiti, ku ngokuka Jehova; ku ingcwele kuJehova.

₃₁Uma umuntu e hlenga okweshumi kwake, ka kwengezele kuko okwesihlanu kwako.

₃₂Nako konke okweshumi kwezinkomo nokwezimvu, konke oku dhlula pansi kwentonga, okweshumi ko ba ngcwele kuJehova.

₃₃Ka nga hloli ukuba kuhle, nokuba kubi; ka nga kwenani ngokunye; uma e kwenana ngokunye, loko naloko a kwenana ngako ko ba ngcwele; a ku nga hlengwa.

₃₄Le i imiyalo, uJehova a i yalela uMosi ngabaka Israeli entabeni ya seSinai.