ISAHLUKO 16

₁WA pendula uJobe, wa ti,

₂Ngi zwile izindaba eziningi ezinje; nina nonke ni ngabaduduzi ababi.

₃Amazwi a ize a se pelile na? u cunulwa yini ukuba u pendule na?

₄Nami ngi nga kuluma njengani; uma umpefumlo wako u be u sesikundhleni sowami, be ngi nga hlanganisela amazwi kuwe, ngi ku nikinele ikanda lami.

₅Be ngi nga ku qinisa ngomlomo wami, nokuhaukela kwezindebe zami, ku ku duduze.

₆Nokuba ngi kuluma, ukuhlupeka kwami a ku ncipi, nokuba ngi tule, ku pelani?

₇Ngeqiniso manje u ngi danisile; u ba citile bonke a bendhlu yami.

₈U ngi bambisisile, ku ufakazi; nokuzaca kwami okubonakalayo ku ya fakaza ngobuso bami.

₉Ulaka lwake lu ngi dabulile lu yalwa nami; u ngi gedhlile ngamazinyo ake njengesita sami u ngi kipele amehlo ake.

₁₀Ba ngi kamisele umlomo wabo, ba ngi mukula esihlatini ngenhlamba; ba hlangana ngami.

₁₁uTixo u ngi nikele kuye okohlakeleyo u ngi ponsile ezandhleni zezoni.

₁₂Nga ngi hlezi kahle, kepa wa ngi coboza; wa ngi bamba ngentamo wa ngi fohloza, wa ngi misa nga ba okokudutyulwa.

₁₃Imicibityelo yake ya ngi haqa, u ya dabula izinso zami, e nge namhau; u ya cita inyongo yami emhlabatini.

₁₄U ya ngapula futifuti; a gijime pezu kwami njengeqawe.

₁₅Ngi tungile indwangu yamasaka emzimbeni wami, ngi lu tobisele upondo lwami emhlabatini.

₁₆Ubuso bami bu bomvu ukukala, na kuzo izinkope zami ku kona itunzi lokufa.

₁₇Nokuba ku nge ko icala ezandhleni zami; nokukuleka kwami ku lungile.

₁₈Mhlabati, ma u nga fihli igazi lami, ukukala kwami ma ku nga bi noku ngezwakali.

₁₉Bhekake ufakazi wami u se sezulwini, nomboneli wami u sezindaweni ezi pezulu.

₂₀Imihlobo yami i yona e ngi delelayo, kepa iso lami li kala kuTixo.

₂₁Ukuba sengati omunye a nga m nxusela umuntu kuTixo, njengokuba umuntu e nxusela umhlobo wake.

₂₂Ngokuba ngeminyaka e incozana, e nga balwayo, ngi ya kumuka ngendhlela e ngi nga sa yi kubuya ngayo.