ISAHLUKO 23

₁NAKO kubalusi aba zi qeda ba zi cite izimvu zedhlelo lami, u tyo uJehova.

₂Ngako u tyo uJehova, uTixo ka Israeli, ngabalusi abalusa abantu bami, u ti, Ni citile izimvu zami, na zi xotya, a ni hambelanga kuzo; bheka, ngi ya kunehlisela okubi kwemisebenzi yenu, u tyo uJehova.

₃Ngi ya kubuta insali yezimvu zami emazweni onke, engi zi xotyele kuwo, ngi zi buyisele emadhlelweni azo; zi ya kucuma, zande.

₄Ngi ya kuzimisela abalusi aba ya kuzalusa; a zi sa yi kwesaba, zi be novalo, a zi sa yi kufunyaniswa zi nge ko, u tyo uJehova.

₅Bheka, ku yeza izinsuku, u tyo uJehova, engi ya kumvusela uDavida ngazo ihlumela lokulunga, eli ya kuba inkosi, li be nenhlanhla, li buse ngomteto na ngokulunga ezweni.

₆Ngezinsuku zayo uJuda u ya kusindiswa, uIsraeli u ya kuhlala kahle; leli li igama e ya kubizwa ngalo lokuti, uJehova ukulunga kwetu.

₇Ngako, bheka, ku yeza izinsuku oku nga sa yi kutiwa ngazo, uJehova u ya pila owa kipayo abantwana baka Israeli ezweni la sEgipite;

₈Kepa ku ya kutiwa, uJehova u ya pila owa i kipayo wa i hola inzalo yendhlu ka Israeli i vela ezweni la senyakato, na semazweni onke, enga i xotyela kuwo; i ya kwaka ezweni la kubo.

₉Ngabaprofeti yapukile inhliziyo yami esifubeni sami, amatambo onke ami a butakataka: ngi njengesidakwa, ngi njengomuntu owahlulwe iwaini, ngenxa ka Jehova na ngenxa yamazwi ake angcwele.

₁₀Impela izwe li gcwele abapingi, (impela izwe li ya kala ngenxa yokutukwa; amadhlelo a sehlane a tyile) ukuhamba kwabo kubi, namandhla abo a wa lungile.

₁₁Ngokuba nomprefeti nompristi bonakele, na sendhlini yami ngi fumene okubi kwabo, u tyo uJehova.

₁₂Ngako indhlela yabo i ya kuba kubo njengezindawo ezi butyelezi ebumnyameni; ba ya kuqutywa, ba we kuyo; ngokuba ngi ya kubehlisela okubi ngomnyaka wokuhanjelwa kwabo, u tyo uJehova.

₁₃Ngi bonile ukona na kubaprofeti ba seSamaria, ba profeta ngoBali, bedusa abantu bami abaIsraeli.

₁₄Na kubaprofeti ba seJerusalema ngi bonile okwesabekayo, ukupinga nokukohlisa; ba qinisa izandhla zababi, ku nga penduki namunye ekoneni kwake; ba njengeSodoma kimi, abakileyo kulo ba njengeGomora.

₁₅Ngako u tyo uJehova wamabandhla ngabaprofeti, u ti, Bheka, ngi ya kubadhlisa umhlonyane, ngi ba puzise amanzi obuhlungu, ngokuba ku pumile kubaprofeti ba seJerusalema ukonakala, kwa ya ezweni lonke.

₁₆U tyo uJehova wamabandhla, u ti, Ni nga laleli amazwi abaprofeti aba profeta kini; ba nedusa; ba kuluma igama eli vela enhliziyweni yabo, li nga veli emlonyeni ka Jehova.

₁₇Ba qinisa ba ti kwaba ngi delelayo; U tyilo uJehova, u ti, Ni ya kuba nokutula; ba ti kubo bonke aba hambayo ngobulukuni bezinhliziyo zabo, A ni yi kwehlelwa okubi.

₁₈Ngokuba umupi owa ke wema ecetyeni lika Jehova, wa li qonda wezwa izwi lake? umupi o bhekile izwi lake wa li zwa?

₁₉Bheka, isivunguvungu sika Jehova, ulaka lu pumile, isivunguvungu esikulu; si ya kwehlela ngamandhla emakanda ababi.

₂₀Ulaka luka Jehova a lu yi kubuya, e nga kenzi a qede amacebo enhliziyo yake. Ngezinsuku zokupela ni ya kukuqondisisa.

₂₁A ngi tumanga labobaprofeti, kepa ba gijima, a ngi kulumanga nabo, kepa ba profeta.

₂₂Kodwa uma be be mi ecetyeni lami, nga be shumayeze abantu bami amazwi ami, ba ba buyise endhleleni embi yabo, na semisebenzini emibi yabo.

₂₃Ngi uTixo o seduze ini, u tyo uJehova, ngi nge nguTixo okude na?

₂₄Uma umuntu e catya endaweni esitekileyo, a ngi yi kumbona na? u tyo uJehova; a ku gcwele ini izulu nomhlaba na? u tyo uJehova.

₂₅Ngi zwile aba ku tyoyo abaprofeti aba profeta amanga ngegama lami, be ti, Ngi pupile, ngi pupile.

₂₆Loku ku ya kuba enhliziyweni yabaprofeti aba profeta amanga ku ze ku be nini? ba ngabaprofeti benkohliso yenhliziyo yabo.

₂₇Aba ceba ukuba benze abantu bami ba kohlwe igama lami ngamapupo abo, aba wa landisanayo, njengoyise babo ba kohlwa igama lami ngoBali.

₂₈Umprofeti o nepupo ka li landise ipupo, naye o nezwi lami ka li kulume izwi lami ngeqiniso. Amakoba a nomsebenzi muni namabele na? u tyo uJehova.

₂₉Izwi lami a li njengomlilo na? u tyo uJehova, na njengesando esi hlepula itye.

₃₀Ngako bheka, ngi melana nabaprofeti, u tyo uJehova, abebayo amazwi ami omunye komunye.

₃₁Bheka, ngi melana nabaprofeti, u tyo uJehova, aba bulayo ngolimi lwabo.

₃₂Bheka, ngi melana naba profeta amapupo amanga, u tyo uJehova, ba wa landise, bedukise abantu bami ngamanga abo na ngokuzidhla kwabo; a ngi ba tumanga, a ngi ba yalanga; ba nge size lababantu ngaluto, u tyo uJehova.

₃₃Nxa lababantu, nomprofeti, nompristi be ku buza be ti, Ku tini umtwalo ka Jehova? u ya kubatyela ukuba ku tini umtwalo ka Jehova, ukunti, Ngi ya kunilahla, u tyo uJehova.

₃₄Lomprofeti, na lompristi, nabantu aba tyoyo ba ti, Umtwalo ka Jehova, ngi ya kutyaya lowomuntu nendhlu yake.

₃₅A ni tyo, omunye kowakelene naye, nomunye kumfo wabo, ni ti, uJehova u pendule wa tini na? nokuti, uJehova u teni na?

₃₆Kepa a ni sa yi kukuluma izwi lokuti, Umtwalo ka Jehova; izwi la lowo li ya kuba umtwalo wake, ngokuba ni pendulile amazwi ka Tixo opilayo, uJehova wamabandhla, uTixo wetu.

₃₇A ku tyo kumprofeti, u ti, uJehova u ku pendule u tini na? nokuti, uJehova u teni na?

₃₈Kepa uma ni ti, Umtwalo ka Jehova, ngako u tyo uJehova, u ti, Ngokuba ni tyo lelizwi lokuti, Umtwalo ka Jehova; ngi tumile nga ti kini, Ni nga tyo ni ti, Umtwalo ka Jehova,

₃₉Ngako, bheka, ngi ya kunitwesa ngi ni xotye ebusweni bami, nina na lomuzi enga ni nika wona, nina noyihlo benu;

₄₀Ngi ya kubeka pezu kwenu ihlazo elimakade nokunengeka okupakade, oku nga sa yi kukohleka.