ISAHLUKO 1

₁AMAZWI ka Jeremia, indodana ka Hilkia, wabapristi ba seAnatoti, ezweni la kwaBenjamini,

₂Okweza kuye izwi lika Jehova emihleni ka Josia, indodana ka Amoni, inkosi ya kwaJuda, ngomnyaka weshumi nantatu wokubusa kwake.

₃Leza na semihleni kaJehoakimu, indodana ka Josia, inkosi ya kwaJuda, kwa za kwa pela umnyaka weshumi nanye ka Zedekia, indodana ka Josia, inkosi ya kwaJuda, kwa za kwa tunjwa iJerusalema ngenyanga yesihlanu.

₄Leza kimi izwi lika Jehova, li ti,

₅Ngi nga ka kwenzi esiswini nga kwazi; u nga ka pumi esiswini nga kwenza wa ngcwele, nga ku beka u be umprofeti wezizwe.

₆Nga ti, Au, Nkosi Jehova, bheka, a ngi kwazi ukukuluma; ngi umntwana.

₇Kepa uJehova wa ti kimi, U nga tyo ukuti, Ngi umntwana: Ngokuba u ya kuya kubo bonke engi ya kukutuma kubo, nako konke engi ya kukuyala kona wo ku shumayela.

₈U ngesabi ubuso babo; ngi nawe ukuba ngi ku sindise, u tyo uJehova.

₉Kona uJehova wa selula isandhla sake, wa tinta umlomo wami. Wa ti uJehova kimi, Bheka, ngi bekile amazwi ami emlonyeni wako.

₁₀Bonake, ngi ku misile namhla pezu kwezizwe na pezu kwemibuso, ukuba xotye, u qede, u bulale u cite, wake u tyale.

₁₁La buya leza kimi izwi lika Jehova, li ti, Jeremia, u bonani? Nga ti, Ngi ya bona uswazi lwealmondi.

₁₂Wa ti uJehova kimi, U bonile kahle; ngi ya kulinda izwi lami, ngi lenze.

₁₃La buya leza kimi izwi lika Jehova ngokwesibili, li ti, U bonani? Nga ti, Ngi bona imbiza ebilayo; ubuso bayo bu bheka ngasenyakato.

₁₄uJehova wa ti kimi, Okubi ku ya kuvela ngasenyakato, ku fike kubo bonke abantu bezwe.

₁₅Bheka, ngi ya kubiza izizwe zonke zemibuso ya senyakato, u tyo uJehova; ba ya kuza, ba beke ngabanye izihlalo zabo nga semasangweni a seJerusalema, na kuzo zonke izindonga za kona, na kuyo yonke imizi ya kwaJuda.

₁₆Ngi ya kubalahla ngako konke okubi kwabo; ngokuba ba ngi delile, impepo ba i tyisele abanye otixo ba bonga imisebenzi yezandhla zabo.

₁₇Bopa izinkalo zako, u suke, u kulume kubo konke engi ya kukuyala kona; u ngesabi ubuso babo, funa ngi kwesabise pambi kwabo.

₁₈Bheka, mina ngi kwenzile namhla u be umuzi ovikelweyo, nensika yensimbe, utango lwetusi kulo lonke izwe kuwo amakosi a kwaJuda kuzo izinduna zalo, kubapristi balo, na kubantu bezwe.

₁₉Ba ya kulwa nawe, kodwa a ba yi kukwahlula; ngokuba ngi nawe ukuba ngi ku sindise, u tyo uJehova.