ISAHLUKO 6

₁KEPA abaka Israeli benza okubi pambi kuka Jehova, uJehova wa ba nikela esandhleni samaMidiani iminyaka e isikombisa.

₂Isandhla samaMidiani sa si namandhla pezu kuka Israeli; ngenxa yamaMidiani abaka Israeli ba zenzela imihume e sezintabeni, nemibalu, nezinqaba.

₃Kwa ti, nxa abakaIsraeli se be limile, kwa kupuka amaMidiani, namaAmaleki, naba sempumalanga, ba kupukela kubo;

₄Ba misa ngakubo, ba cita izitelo zomhlaba ku ze ku fike eGaza; ka ba shiyanga ukudhla kwaIsraeli, nezimvu, nezinkomo, nezimbongolo.

₅Ngokuba ba kupuka nezinkomo zabo notente babo, beza njengesikonyane ngobuningi; ba be nge nakubalwa bona namakamelo abo; ba ngena ezweni ukuba ba li cite.

₆Ba ti abakaIsraeli ba pela amandhla kakulu ngenxa yamaMidiani; abaka Israeli ba kala kuJehova.

₇Kwa ti, nxa abaka Israeli be sa kala kuJehova ngenxa yamaMidiani,

₈uJehova wa tuma umprofeti kwabakaIsraeli, owa ti kubo, U tyo uJehova uTixo ka Israeli, u ti, Nga ni kupula ezweni la sEgipite, nga ni kipa endhlini yezigqili,

₉Nga ni kulula esandhleni sabaEgipite, na sesandhleni sabo bonke aba ni hlupayo, nga ba xotya pambi kwenu, nga ni nika izwe labo;

₁₀Nga ti kini, Ngi nguJehova uTixo wenu; ni nga hlonipi otixo bamaAmori, eni hlezi ezweni lawo; kepa a ni lalelanga izwi lami.

₁₁Kwa fika ingelosi ka Jehova, ya hlala pansi komala o seOfra lika Joashi, umAbiezeri; uGideoni indodana yake wa e bula ukolweni esikamweni sevini, ukuba a m tukuse kumaMidiani.

₁₂Ingelosi ka Jehova ya bonakala kuye, ya ti kuye, uJehova u nawe, wena qawe eli namandhla.

₁₃uGideoni wa ti kuyo, E, nkosi yami, uma uJehova e nati, konke loku ku sehlele ngani na? zi pi izimangaliso zake aba si tyela ngazo obaba, be ti, uJehova ka si kupulanga Egipite na? kepa manje u si lahlile wa si nikela esandhleni samaMidiani.

₁₄uJehova wa m bheka, wa ti, Hamba ngalawa mandhla ako, u sindise abakaIsraeli esandhleni samaMidiani; a ngi ku tumanga na?

₁₅Wa ti kuye, E nkosi yami, ngi ya kusindisa abakaIsraeli ngani? bheka, indhlu yami impofana kwaManasa, nami ngi ngomncinyane endhlini ka baba.

₁₆uJehova wa ti kuye, Impela ngi ya kuba nawe, u ya kuwatyaya amaMidiani ku nga ti umuntu munye.

₁₇Wa ti kuye, Uma ngi fumene umusa emehlweni ako, u ngi nike isiboniso sokuti u nguwena o kuluma nami.

₁₈U ngemuki lapa ngi ze ngi buyele kuwe, ngi lete umnikelo wami, ngi u beje pambi kwako. Wa ti, Ngi ya kuhlala u ze u buye.

₁₉uGideoni wesuka wa ya, wa lungisa izinyane lembuzi nezinkwana ezi nga vutyelwe zeefa lempupu; inyama wa i beka kubaskiti, nomhluzi wa u beka ebodweni, wa ku yisa kuye pansi komala, wa ku nikela.

₂₀Ingelosi ka Tixo ya ti kuye, Tabata inyama nezinkwana, ezi nga vutyelwe, u zi beke kulelitye, u tulule umhluzi. Wenze njalo.

₂₁Ingelosi ka Jehova yelula isihloko senduku eya i sesandhleni, ya tinta inyama nezinkwana ezi nga vutyelwe, kwa puma umlilo etyeni; wa qeda inyama nezinkwana ezi nga vutyelwe. Kona ingelosi ka Jehova yemuka emehlweni ake.

₂₂uGideoni wa bona ukuti ku ingelosi ka Jehova, uGideoni, wa ti, Au, Nkosi, Jehova! ngokuba ngi bonile ingelosi ka Jehova, nga bhekana nayo.

₂₃uJehova wa ti kuye, Ukutula a ku be kuwe, u ngesabi; a u yi kufa.

₂₄uGideoni wa m akela kona uJehova ilati, wa li qamba uJehova-shalomi; na namhla li kona eOfra lamaAbiezeri.

₂₅Kwa ti ngalobobusuku uJehova wa ti kuye, Tabata inkabi ka yihlo, nenkabi yesibili e neminyaka e isikombisa, u bidhlize ilati lika Bali, a nalo uyihlo, u gaule uAshera o pezu kwalo;

₂₆U m akele uJehova uTixo wako ilati kulenqaba pezulu, ngokuhlela, u tabate inkabi yesibili, u nikele umnikelo wokutyiswa ngezinkuni zika Ashera o za kumgaula.

₂₇uGideoni wa tabata abantu aba ishumi ezisebenzini zake wenza njengokutyo kuka Jehova kuye; kepa ngokuba wesaba ukwenza emini, ngenxa yabendhlu ka yise nabantu bomuzi, wenza ebusuku.

₂₈Ngokuvuka kwabantu bomuzi ekuseni, bheka, ilati lika Bali la li bidhliziwe, noAshera owa pezu kwalo wa e gauliwe, nenkabi yesibili ya i nikelwe elatini ela lakiwe.

₂₉Ba kuluma bodwa ba ti, Kwenziwe ubani loku na? Ba buza ba cinga, ba ti, uGideoni indodana ka Joashi u kwenzile loku.

₃₀Kona abantu bomuzi ba ti, kuJoashi, Kipa indodana yako ukuba i fe, ngokuba u bidhlizile ilati lika Bali, na ngokuba u gaule uAshera owa e pezu kwalo.

₃₁uJoashi wa ti kubo bonke aba be lwa naye, Ni ya kumlwela uBali na? ni ya kumsindisa na? lowo o m lwelayo uBali ka fe; a si hlale ku ze ku se; uma e utixo, ka zipikele, ngokuba u bidhlizile ilati lake.

₃₂Ngako ngalolosuku ba m qamba uJerubali, be ti, uBali ka pikisane naye, ngokuba u bidhlizile ilati lake.

₃₃Kwa butana amaMidiani, namaAmaleki, naba sempumalanga, ba wela, ba misa esihlanjeni sa seJezreli.

₃₄Umoya ka Jehova wa fika kuGideoni, wa tyaya itilongo; kwa hlangana naye amaAbiezeri.

₃₅Wa tuma izigijimi kubo bonke abakaManasa; nabo ba hlangana naye; wa tuma izigijimi na kumaAsheri, na kumaZebuloni; na kumaNaftali, a kupuka ukuhlangana nabo.

₃₆uGideoni wa ti kuTixo, Uma u za kusindisa abakaIsraeli ngesandhla sami njengokutyo kwako,

₃₇Bheka, ngi ya beka uboya bemvu esibuyeni sokubula, uma ku kona amazolo eboyeni bodwa, kome emhlabatini wonke, ngi ya kwazi ukuti, u ya kusindisa abakaIsraeli ngesandhla sami njengokutyo kwako.

₃₈Kwa njalo, ngangomso ngokuvuka kwake ekuseni, wa kama uboya, wa kipa amazolo eboyeni, kwa gcwala isitya amanzi.

₃₉uGideoni wa ti kuTixo, Ma u nga ngi tukuteleli, ngi ya kukuluma kanye kupela; ma ngi linge ngoboya kanye kupela; a ku hlale komile eboyeni bodwa, ku be kona amazolo emhlabatini wonke.

₄₀Wenza njalo uTixo ngalobobusuku; kwa komile eboyeni bodwa, kepa kwa ku kona amazolo emhlabatini wonke.