ISAHLUKO 47

₁UJOSEFA wa ya wa m tyele uFaro, wa ti, U fikile ubaba, nabafo wetu, nezimvu zabo, nezinkomo zabo, nako konke aba nako, be vela ezweni la seKenani; bheka, se be sezweni la seGosheni.

₂Wa tabata abanye abafo wabo, abantu aba isihlanu, wa ba misa pambi kuka Faro.

₃Wa ti uFaro kubafo wabo, I ini imisebenzi yenu na? Ba ti kuFaro, Izinceku zako zi ngabalusi, tina, nokoko betu.

₄Ba ti futi kuFaro, Si ze ukwaka ezweni; ngokuba izinceku zako a zi nadhlelo lezinkomo; ngokuba indhlala i nzima ezweni la seKenani; ngakoke izinceku zako a ke zake ezweni la seGosheni.

₅Wa tyo uFaro ku Josefa ukuti, Uyihlo nabafo wenu ba fikile ku we:

₆Izwe la sEgipite li sebusweni bako; m hlalise uyihlo nabafo wenu ezweni elihle kulo lonke izwe; ma bake ezweni la seGosheni; uma u bazi abantu ba kubo aba nesu, u benze ba be izingcwele zezinkomo zami.

₇uJosefa wa ngenisa uJakobe uyise, wa m misa ebusweni buka Faro: uJakobe wa busisa uFaro.

₈Wa ti uFaro kuJakobe, Izinsuku zeminyaka yokuhamba kwako zi nga pi na?

₉Wa ti uJakobe ku Faro, Izinsuku zeminyaka yokuhamba kwami zi iminyaka e ikulu namashumi amatatu: a zi ngakanani, za zi nomunyu izinsuku zeminyaka yokuhamba kwami, a zi nga ngezinsuku zeminyaka yokuhamba kokoko bami emihleni yokuhamba kwabo.

₁₀uJakobe wa m busisa uFaro, wesuka ebusweni buka Faro.

₁₁uJosefa wa e hlalisa uyise nahafo wabo, wa ba pa izwe ezweni la sEgipite, ezweni elihle, ezweni la seRamesi, njengokuyalela kuka Faro.

₁₂uJosefa wa m ondhla uyise nabafo wabo, nendhlu yonke ka yise, ngokudhla okwanela izindhlu zabo.

₁₃Kwa ku nge ko ukudhla ezweni lonke; ngokuba indhlala ya inzima kakulu: izwe la sEgipite, nezwe la seKenani, la fa ngenxa yendhlala.

₁₄uJosefa wa buta imali yonke eya tolwa ezweni la sEgipite na sezweni la seKenani, ngamabele aba wa tengayo: uJosefa wa yisa imali endhlini ka Faro.

₁₅Kwa ti se i pelile imali ezweni la sEgipite, na sezweni la seKenani, bonke aba sEgipite be za ku Josefa, ba ti, Si pe ukudhla: si zo felani ebusweni bako na? imali yetu i si pelile.

₁₆Wa ti uJosefa, Letani izinkomo zenu; ngi ya kutenga izinkomo uma i pelile imali.

₁₇Ba leta izinkomo zabo ku Josefa: uJosefa wa tenga amahashi, nezimvu, nezinkomo, nezinjomane wa ba nika ukudhla: wa ba nika ukudhla ngezinkomo zabo zonke; ngalowomnyaka.

₁₈Kwa ti se u pelile lowomnyaka, be za ku ye, ngomnyaka wesibili, ba ti, A si yi kufihla enkosini yetu, imali yetu i si pelile: inkosi yetu i nezinkomo zetu futi, a ku sa sele luto ebusweni benkosi yetu, imizimba yetu namazwe etu, kupela.

₁₉So felani emehlweni ako na? tina namazwe etu? A ku si tenge tina namazwe etu ngokudhla; si za kuba izigqili zika Faro, tina namazwe etu: si nike imbeu, ukuba si sinde, si nga fi, nezwe li nga citeki.

₂₀uJosefa wa m tengela uFaro izwe lonke la sEgipite; ngokuba bonke aba sEgipite ba tengisa ngamazwe abo, ngokuba indhlala ya ba hlula: izwe la ba e lika Faro.

₂₁Abantu, wa ba susa, ba ya emizini eminye, ba qala ecaleni elinye la sEgipite, ba ya ba fika kwelinye icala elinye lalo.

₂₂Izwe labapristi lodwa a nga li tenganga, ngokuba abapristi ba be nesabelo aba sa belwa uFaro, ba dhla isabelo sabo, a ba pa sona uFaro: ngako a ba tenganga ngamazwe abo.

₂₃Wa ti uJosefa kubantu, Bhekani, ngi m tengele uFaro namhla nina nezwe lenu: nansi imbeu yenu, limani umhlabati.

₂₄Ku ya kuti ngesitelo, ni m nike uFaro okwesihlanu, okune ku be okwenu, ku be imbeu yamasimu, nokudhla kwenu, nokwezindhlu zenu, ku be ukudhla nokwabantwana benu.

₂₅Ba ti, U si sindisile; a si zuze umusa emehlweni enkosi yetu, si za kuba izigqili zika Faro.

₂₆uJosefa wa memezela umteto ezweni la sEgipite, ku ze ku be namhla, ukuti, uFaro u za kuba nokwesihlanu, kupela izwe labapristi lodwa, e la li nge silo e lika Faro.

₂₇uIsraeli wa hlala ezweni la sEgipite, ezweni la seGosheni; ba fuya kona, ba zala, banda kakulu.

₂₈uJakobe wa hlala ezweni iminyaka e ishumi nesikombisa: izinsuku zika Jakobe, iminyaka yokuhamba kwake, ya be i ikulu namashumi amane a nesikombisa.

₂₉Kwa sondela isikati, a za ku fa ngaso uIsraeli; wa i biza indodana yake uJosefa, wa ti kuye, uma ngi zuzile umusa emehlweni ako, a ke u beke isandhla sako etangeni lami, u ngenzele umusa, neqiniso; u nga ngi mbeli Egipite:

₃₀Ngi ya kulala nokoko bami, u ya kungitabata, u ngi suse Egipite, u ngi mbele elibeni labo. Wa ti, Ngi ya ku kwenza njengokutyo kwako.

₃₁Wa ti, Funga kimi, wa funga kuye. Kona uIsraeli wa kotama esihlokweni sombede.