ISAHLUKO 45

₁KONA uJosefa wa e nge nakuzibamba pambi kwabo bonke abemiyo naye; wa memeza, e ti, Pumisani abantu bonke kimi. Kwa ku nge mi umuntu naye, uJosefa e sa zazisa kubafo wabo.

₂Wa kala e pumisela, bezwa abasEgipite nendhlu ka Faro.

₃Wa ti uJosefa kubafo wabo, Ngi NguJosefa; ubaba u se kona na? Abafo wabo ba be nge na kupendula; ngokuba betuka ebusweni bake.

₄Wa ti uJosefa kubafo wabo, A ke ni sondele kimi. Ba sondela, Wa ti, Ngi nguJosefa umne wenu, ena tengisa ngaye Egipite.

₅Kepa ni nga dabuki, ni nga zisoli ngokuba na tengisa ngami lapa: ngokuba uTixo wa ngi tuma pambili kwenu ukusindisa.

₆Ngokuba ngaleminyaka emibili ku kona indhlala ezweni: ku sele iminyaka emihlanu, oku nga yi kulinywa ku vunwe ngayo.

₇uTixo wa ngi tuma pambili kwenu ukuba a nenzele inzalo ezweni, a ni sindise ngokukululwa okukulu.

₈Ngako kwa ku ngeso nina, ena ngi tuma lapa; kwa ku uTixo: u ngenzile ngi be uyise ka Faro, ngi be inkosi yendhlu yonke yake, ngi buse ezweni lonke la sEgipite.

₉Tyetyani, ni kupuke, ni ye kubaba, ni ti kuye, U ti uJosefa, indodana yako, uTixo u ngenzile ngi be inkosi yezwe lonke la sEgipite: yehla, u ze kimi, u nga libali.

₁₀U ya kwaka ezweni la seGosheni, u be seduze nami, wena nabantwana bako, nabantwana babantwana bako, nezimvu zako, nezinkomo zako, nako konke o nako:

₁₁Ngi ya kukondhla kona; ngokuba i sele iminyaka emihlanu yendhlala; funa wehlelwa ubumpofu, wena, nendhlu yako, nako konke o nako.

₁₂Bhekani, amehlo enu a ya bona, namehlo omne wami uBenjamini ukuti, uwo umlomo wami o kuluma nani.

₁₃Ni ya kumtyela ubaba ngenhlanhla yonke yami Egipite, na ngako konke eni ku bonileyo; a ke ni tyetye, ni m ehlise ubaba ni m lete kimi.

₁₄Wa wa entanyeni kuBenjamini, umne wabo, wa kala; naye uBenjamini wa kala entanyeni yake.

₁₅Wa banga abafo wabo bonke, wa kala pezu kwabo: ngasemva kwaloko abafo wabo ba kuluma naye.

₁₆Lelozwi lezwakala endhlini ka Faro, li ti, Ba fikile abafo wabo ka Josefa: kwa ku kuhle kuFaro, na kuzo izinceku zake.

₁₇Wa ti uFaro kuJosefa, Yityo kubafo wenu ukuti, Yenzani loku; twesani izimbongolo zenu, ni ye ezweni la seKenani;

₁₈Ni tabate uyihlo nezindhlu zenu ni ze kimi: ngi ya kumnika ubuhle bezwe la sEgipite, ni ya kudhla okumnandi kwezwe.

₁₉Se u yaliwe, yenzani loku: tabatelani abantwana benu nomkenu izincwele ezweni la sEgipite, ni m tabate uyihlo, ni ze.

₂₀Ni nga nakekeli izinto zenu, ngokuba obenu ubuhle bezwe lonke la sEgipite.

₂₁Benza njalo abantwana baka Israeli: uJosefa wa ba pa izincwele njengokutyo kuka Faro; wa ba pa nompako.

₂₂Wa ba pa bonke izingubo zokupendulela; kepa wa mu pa uBenjamini amashekeli esiliva amakulu amatatu, nezingubo zokupendulela kahlanu.

₂₃Wa tuma na kuyise, izimbongolo ezi ishumi, zi twele okuhle kwa sEgipite, nezimbongolo zensikazi, zi twele amabele nezinkwa nenyama, ku be umpako ka yise endhleleni.

₂₄Wa ba mukisa abafo wabo, be muka: wa ti kubo, Ni nga xabani endhleleni.

₂₅Ba kupuka Egipite, ba ya ezweni la seKenani, kuJakobe uyise.

₂₆Ba m tyela, ba ti, uJosefa u se kona, u ngumbusi wezwe lonke la sEgipite. Ya ti inhliziyo yake ya i polile, ngokuba e nga kolwanga ibo.

₂₇Ba m tyela amazwi onke ka Josefa, a be wa tyilo kubo: wa bona izincwele, uJosefa a be zi tumileyo ukumtabata, kona ya tokoza inhliziyo ka Jakobe uyise.

₂₈Wa ti uIsraeli, Se kwanele; u se kona uJosefa, indodana yami, ngi ya kuya, ngi m bone, ngi nga ka fi.