ISAHLUKO 30

₁URATYELI se e bonile ukuti, a ka m zalelanga uJakobe abantwana, uRatyeli wa ba nomona kudade wabo; wa ti kuJakobe, Ngi pe abantwana, funa ngi fe.

₂Kona ulaka luka Jakobe lwa vutela nga kuRatyeli: wa ti, Ngi sendaweni ka Tixo, o ku nqabele isitelo sesisu, na?

₃Wa ti, Nansi incekukazi yami, uBilha, ngena kuye; u ya kuzalela ematangeni ami, ngi ya kwakiwa ngaye.

₄Wa m nika uBilha incekukazi yake, a be umkake: uJakobe wa ngena kuye.

₅uBilha wa kulelwa, wa m zalela uJakobe indodana.

₆Wa ti uRatyeli, u tetile icala lami uTixo, u zwile izwi lami, u ngi nikile indodana: ngako wa qamba igama layo uDani.

₇uBilha incekukazi ka Ratyeli wa buya wa kulelwa, wa m zalela uJakobe indodana yesibili.

₈Wa ti uRatyeli, Ngokubambana okukulu ngi bambene nodade wetu, ngi mahlulile: wa qamba igama layo uNaftali.

₉uLea se e bonile ukuti, wa e kaukile ukuzala, wa tabata uZilpa incekukazi yake, wa m nika uJakobe, a be umkake.

₁₀uZilpa, incekukazi ka Lea, wa m zalela uJakobe indodana.

₁₁Wati uLea, Ku ye za inhlanhla: wa qamba igama layo uGadi.

₁₂uZilpa, incekukazi ka Lea wa m zalela uJakobe indodana yesibili.

₁₃Wa ti uLea, Ngi ya busa, ngokuba isifazana si ya kuti, ngi busisiwe: wa qamba igama layo uAsheri.

₁₄Kwa ti ngesikati sokuvuna amabele, uRubeni wa ya wa fumana amanderake endhle, wa wa yisa kuLea unina. Wa ti uRatyeli kuLea, A ku ngi pe amanderake endodana yako.

₁₅Wa ti kuye, Ku yintwana encinyane ukuba u tabatile indoda yami na? u za kutabata nawo amanderake endodana yami na! Wa ti uRatyeli, Ngako i ya kulala nawe ngalobubusuku ngamanderake endodana yako.

₁₆uJakobe we za kusihlwa, e vela endhle, uLea wa puma ukumhlangabeza, wa ti, U ya kungena kimi; ngokuba ngi ku tengile impela ngamanderake endodana yami. Wa lala naye ngalobubusuku.

₁₇uTixo wa mu zwa uLea, wa kulelwa, wa m zalela uJakobe indodana yesihlanu.

₁₈Wa ti uLea, uTixo u ngi nikile umvuzo wami, ngokuba nga nika indoda yami incekukazi yami: wa qamba igama layo uIsakari.

₁₉uLea wa buya wa kulelwa, wa m zalela uJakobe indodana yesitupa.

₂₀Wa ti uLea, uTixo u ngi nikile isipo esihle; kaloku indoda yami i za kuhlala nami, ngokuba ngi i zalele amadodana a isitupa: wa qamba igama layo uZebuloni.

₂₁Ngasemva kwaloko wa zala intombazana, wa qamba igama layo uDina.

₂₂uTixo wa m kumbula uRatyeli, uTixo wa mu zwa, wa vula isisu sake.

₂₃Wa kulelwa, wa zala indodana; wa ti, uTixo u susile ihlazo lami.

₂₄Wa qamba igama layo uJosefa; wa ti, uJehova u ya kungelekela enye indodana.

₂₅Kwa ti, uRatyeli e se zalile uJosefa, uJakobe wa ti kuLabani, Ngi mukise, ukuba ngi ye endaweni yami, ezweni la kiti.

₂₆Ngi pe omkami nabantwana bami, engi ba sebenzele kuwe, ukuba ngi hambe; ngokuba u ya yazi imisebenzi yami, engi yi sebenzile kuwe.

₂₇Wa ti uLabani kuye, Uma ngi fumene umusa emehlweni ako, a ku hlale; ngi ti, uJehova u ya ngi busisa ngenxa yako.

₂₈Wa ti, Ngi tyele umvuzo wako, ngi ya kukunika wona.

₂₉Wa ti kuye, U yazi ukuba ngi ku sebenzele kanjani nokuba izinkomo zako za zi njani kimi.

₃₀Ngokuba kwa ku kuncinyane okwako, ngi nga ka fiki; manje kwandile se kuningi; uJehova u ku busisile ngokufika kwami; ngi ya kuyisebenzela nini e yami indhlu na?

₃₁Wa ti, Ngi za ku ku pani na? Wa ti uJakobe, A ku yi kungipa luto: uma u ngenzela loku, ngi ya kubuya ngaluse, ngi linde umhlambi wako:

₃₂Ngi ya kuya emhlambini wonke wako namhla, ngi kipe kona zonke ezimagqabagqaba, nezihwanqa, zonke ezimnyama ezimvini, nezihwanqa nezimagqabagqaba ezimbuzini: nango umvuzo wami.

₃₃Njalo ukulunga kwami ku ya kungifakazela, ngesikati esizayo, ebusweni bako, nxa u fika ekukokelweni kwami: zonke ezingemagqabagqaba, nezihwanqa ezimbuzini, nezingemnyama ezimvini, ma ku ti, zebiwe imi.

₃₄Wa ti uLabani, Bheka ma ku be njengezwi lako.

₃₅Ngalowomhla wa kipa izimpongo ezimahungqu, nezihwanqa, nezimbuzikazi zonke ezimagqabagqaba, nezihwanqa, nazo zonke ezi nokumhlope, nezimnyama zonke ezimvini, wa zi nikela esandhleni samadodana ake.

₃₆Wa misa ibanga eli hanjwa izinsuku ezintatu pakati kwake noJakobe: uJakobe walusa imihlambi e seleyo ka Labani.

₃₇uJakobe wa tabata izinti ezimanzi, za bane ezepopula, nezehazeli, nezepaletani; wa zebula imibala emhlope, kwa bonakala okumhlope oku sezintini.

₃₈Wa zi faka izinti, a be zebulile, emiqengqeni, emikombeni yamanzi, pambi kwemihlambi lapa i zayo ukupuza, ukuba i mite ekufikeni kwayo ukupuza.

₃₉Ya ti imihlambi ya mita pambi kwezinti, ya zala izinkomo ezimahungqu, nezimagqabagqaba, nezihwanqa.

₄₀uJakobe wa zahlukanisa izimvu, wa benza ubuso bemihlambi bu bheke kwezimahungqu, na kwezimnyama emhlambini ka Labani: wa i bheka imihlambi yake yodwa, a ka i bekanga emihlambini ka Labani.

₄₁Kwa ku ti lapa zemitayo izinkomo ezi namandhla, uJakobe wa zi misa izinti pambi kwamehlo ezinkomo, emiqengqeni, ukuba zi mite pakati kwezinti.

₄₂Kodwa uma izinkomo za zi butakataka a ka zi misanga: kwa ti ezibutakataka za ba ezika Labani, nezi namandhla za ba ezika Jakobe.

₄₃Lowomuntu wa kula kakulu, wa ba nezinkomo eziningi, nezinceku zesilisa, nezesifazana, namakamelo, nezinjomane.