ISAHLUKO 8

₁NGONYAKA wesitatu wokubusa kuka Belshazari inkosi, isibonakalo sa bonwa imi, mina Danyeli emva kwaleso e sa bonwa imi kuqala.

₂Nga ti nga bona esibonakalweni, kwa se ku ti ekuboneni kwami, nga ngi seShushani enqabeni ezweni la seElami: nga ti nga bona esibonakalweni, ngi semfuleni eUlai.

₃Nga se ngi pakamisa amehlo ami, nga bona, bhekake, inqama i mi ngasemfuleni i nezimpondo ezimbili: za ti izimpondo za pakama; kepa olunye lwa pakama kunolunye, lwa ti olupakamileyo lwa mila muva.

₄Nga bona inqama i tikazisa ngasentyonalanga, nangasenyakato, nangaseningizimu; ukuze izilo zonke zi nge mi pambi kwayo, kwa ku ngeko o nga punyula esandhleni sayo; kodwa yenza njengentando yayo, ya kula.

₅Nga ti ngi sa qonda, bheka, impongo i vele ngasentyonalanga, ye za pezu kobuso bomhlaba wonke, i nga namati umhlabati; ya ti impongo ya ba nopondo olunakekileyo pakati kwamehlo ayo.

₆Ya se i za kuyo inqama e nezimpondo ezimbili e nga yi bona i mi ngasemfuleni, ya i sukela ngolaka lwamandhla ayo.

₇Lapo nga yi bona i sondela kuyo inqama, ya yi tukutelela, ya tyaya inqama, yapula izimpondo ezimbili zayo; kwa ku ngeko amandhla enqameni uku ma pambi kwayo; kepa ya yi wisa emhlabeni, ya yi nyatela pansi; kwa ku ngeko o sindisa inqama esandhleni sayo.

₈Ngako impongo ya kula kakulu: ku te se i namandhla, upondo olukulu lwayo lwapuka; kepa esikundhleni salo, kwa mila ezine ezinakekileyo ngasemimoyeni emine yezulu.

₉Kwa ti kwa puma kulo olunye lwazo, upondo oluncane, olwa kula kakulu ngaseningizimu, na ngasempumalanga, na ngasezweni elihle.

₁₀Lwa ti lwa kula ku ze ku be sebandhleni lezulu, lwa wisa emhlabeni ezitile zebandhla ne zezinkanyezi, lwa zi nyatela pansi.

₁₁Lwa ti lwa zikulisa ku ze ku be sesikulwini sebandhla, kwa ti kwa suswa yilo ukunikela kwemihla, ya wiswa pansi inhlalo yokuyingcwele kwaso.

₁₂La ti ibandhla la miswa pezu kokunikela kwemihla ngokona, la ti la wisa pansi iqiniso emhlabeni, lenza, la dhlula.

₁₃Lapo nga mu zwa oyingcwele e kuluma; nomunye oyingcwele wa ti ku lowotile oyingcwele o wa e kuluma; Ko za ku be nini isibonakalo ngokunikela kwemihla, na ngokona kocitayo, uku nika okuyingcwe e, nebandhla uku nyatelwa pansi na?

₁₄Wa se e ti kimi, Ko ze ku be imihla e izinkulungwane ezimbili; lapo okuyingcwele ko hlanzwa.

₁₅Kwa ti ngi sa bona mina Danyeli isibonakalo, nga funa ukwazisisa, bhekake kwe ma pambi kwami ku nga ti isimo somuntu.

₁₆Nga se ngi zwa izwi lomuntu pakati kwezindonga zeUlai; wa memeza, wa ti, Gabireli, yazisa lomuntu isibonakalo.

₁₇Wa se e za lapa ngi mi kona; kwa ti ukufika kwake ngesaba, nga wa ngobuso bami; wa ti kimi yazisisa ndodana yomuntu, ukuba isibonakalo si sesikatini sokupela.

₁₈Kwa ti e sa kuluma nami, nga be ngi lele ubutongo obukulu, ngobuso bami emhlabeni: wa ti wa ngi pata, wa ngi misa ngokuma kwami.

₁₉Wa ti bheka ngi ya kwazisa o ko ba kona ekupeleni kwentukutelo, ngokuba ukugcina ku sesikatini esimisiweyo.

₂₀Inqama o yi bonileyo e nezimpondo ezimbili, i ngamakosi a seMadai na seParasi.

₂₁Ku ti impongo e isiyepu i yinkosi ya seJavani; ku ti upondo olukulu olu ngapakati kwamehlo ayo, lona lu yinkosi yokuqala.

₂₂Ku ti nga lolo olwapulwayo, za se zi ma ezine esikundhleni salo; imibuso emine i ya kuma kuso isizwe, kepa i nge namandhla ayo.

₂₃Ko ti ekupeleni kokubusa kwayo, se zi pelele izihlubuko zayo, inkosi i ya kuma i lukuni ngobuso, i wazi amacebo.

₂₄Ko ti amandhla ayo a kule, ku nge ngamandhla ayo kodwa; yo cita ngokumangalisayo, yahlule, yenze; i cite abanamandhla, nabantu aba ingcwele.

₂₅Na ngobuqili bayo i ya kwahlulisa inkohliso ngesandhla sayo; yo ti i zikulise enhliziyweni yayo, i cite abaningi be sekutuleni; futi i ya ku mela iNkosi yamakosi, kepa yo fohlozwa ku nge ngesandhla.

₂₆Futi isibonakalo sokuhlwa ne sokusa e sa tyiwo si yiqiniso; kepa gcina wena isibonakalo, ngokuba si nezinsuku eziningi.

₂₇Kwa ti mina Danyeli nga be ngi dangela, ngi gula izinsuku ezitile; nga se ngi vuka, ngenza umsebenzi wenkosi; nga mangala ngesibonakalo, kepa wa e ngeko o sazisisayo.