ISAHLUKO 28

₁KWA ti se be sindile, bazi ukuba isiqingi si tiwa iMelita.

₂Aba sezweni ba si pata ngomusa omkulu, ba basa umlilo, ba samkela sonke, ngokuba li na ku makaza.

₃uPaule e se cakatyile ifingo lezinkuni, e be zi bekile emlilweni, kwa puma inyoka ngokufudumala, ya namatela esandhleni sake.

₄Aba sezweni se be bonile isilwane si jika esandhleni sake, ba kuluma bodwa ba ti, Impela lomuntu u ngumbulali; noma e sindile elwandhle, impindiso a i vumi ukuba a pile.

₅Kepa wa si nikinela isilwane emlilweni, e ngezwa cala.

₆Kepa ba bheka ba ti, u za kuvuvuka, nokuba u za kuwa pansi a fe kona lapo. Se be bhekile isikati eside, be bona ku nga m fikeli ingozi, ba penduka ba ti, u ngutixo.

₇Kwa ku kona ku leyondawo umuzi wenkosi yesiqingi igama layo li nguPublio, owa samkela, wa si hlalisa kahle izinsuku ezintatu.

₈Kwa ti uyise ka Publio wa e lele e kwelwa umkuhlane nembo: uPaule wa ngena kuye, wa kuleka, wa beka izandhla pezu kwake, wa m pilisa.

₉Se kwenziwe loko, beza nabanye aba be nezifo aba sesiqingini, ba sindiswa.

₁₀Ba si bonga ngezinto eziningi; na sekumukeni kwetu ba si twesa izinto esi zi dingayo.

₁₁Kwa ti emva kwezinyanga ezintatu sa muka ngomkumbi wa seAlesandria owa u hlezi esiqingini ebusika, u nopau olu ti oDioskuri.

₁₂Se si fikile eSirakuse, sa hlala kona izinsuku ezintatu.

₁₃Sa suka lapo, sa zekelela, sa fika eRegio; se ku dhlule usuku lwa ba lunye, kwa pepeta iningizimu, ngolwesibili sa fika ePuteoli.

₁₄Sa fumana kona abazalwane, sa nxuswa ukuhlala nabo izinsuku ezi isikombisa: njalo sa hamba si qonda eRoma.

₁₅Kwa suka kona abazalwane, se be zwile indaba ngati, beza kusihlangabeza ba za ba fika eForumapi, na seTaberntatu; e ba bona uPaule, wa bonga uTixo, wema isibindi.

₁₆Se si fikile eRoma, [induna yekulu ya nikela izibotywa enduneni yabalindi: kodwa] uPaule wa vunyelwa a zihambele yena, nebuto eli m lindayo.

₁₇Kwa ti emva kwezinsuku ezintatu, uPaule wa biza izikulu zabaJuda. Se zi butene wa ti kuzo, Madoda, bazalwane, noma ngi ngenzanga luto olu pambene nabantu, nemidabuko yobaba betu, nga suswa eJerusalema ngi botyiwe, nga nikelwa ezandhleni zamaRoma.

₁₈Lawo, e se ngi buzisile, a tanda ukungikulula, ngokuba ku nge ko kimi icala eli fanele ukufa.

₁₉Se be pikile abaJuda, nga qutywa ukuya kuKesari, ku nge ngokuti ngi noto lokuceba isizwe sa kiti.

₂₀Ku njalo nga leyondaba ngi ni bizile, ukuba ngi ni bone, ngi kulume nani: ngenxa yetemba lika Israeli ngi botyiwe nga lesisibopo.

₂₁Ba ti kuye, A samkelanga izincwadi ngawe ezi vela eJudia; ka fikanga umuntu wa kubazalwane owa bika, wa shumayela okubi ngawe.

₂₂Kodwa si ti ku fanele si zwe ngawe, ukuba u tini: ngokuba si yazi ku pikwa loluhlobo ezindaweni zonke.

₂₃Se be m misele usuku, kwa fika kuye endhlini abaningi; wa shumayela kubo e qinisa indaba yombuso ka Tixo, wa ba ncenga ngezindaba zika Jesu za semtetweni ka Mosi, na kubaprofeti, wa qala ekuseni wa shumayela la za la tyona.

₂₄Abanye ba kolwa iloko okwa shunyayelwa, abanye ka ba kolwa.

₂₅Loku be nga vumelani, bemuka, uPaule e sa shumayele izwi la linye lokuti, Wa tyo kahle uMoya o ingcwele ngoIsaya umprofeti kobaba betu,

₂₆Wa ti, Hamba, u ye ku lababantu, u ti, Ngokuzwa ni ya kuzwa, ni nga qondi; ngokubona ni ya kubona, ni nga bonisisi:

₂₇Ngokuba inhliziyo yalababantu i lukuni, izindhlebe zabo zi butuntu, amehlo abo ba wa cimezile, funa ba bone ngamehlo, bezwe ngezindhlebe, ba qonde ngenhliziyo, ba penduke, ngi ba sindise.

₂₈Ngako yazini ukuba ukusindisa kuka Tixo ku tunyelwe kwabezizwe; ba ya kuzwa bona. [

₂₉E se shumayela loko, abaJuda bemuka, be pikisana kakulu bodwa.]

₃₀uPaule wa hlala iminyaka emibili i pelele endhlini a be i tyelekile, wamkela bonke aba be ngena kuye;

₃₁E shumayela umbuso ka Tixo, e fundisa izindaba zeNkosi uJesu Kristu, e mi isibindi, e nga nqatyelwa muntu.