ISAHLUKO 11

₁ABAPOSTOLI nabazalwane aba be seJudia bezwa ku tiwa izizwe zi lamkele izwi lika Tixo.

₂uPetro se e kupukele eJerusalema, abokusoka ba pikisana naye,

₃Be ti, Wa ngena kubantu aba nga sokanga, wa dhla nabo.

₄Kepa uPetro wa qala wa ba tyelisisa ngokulandisa, e ti,

₅Be ngi semzini wa seJopa ngi kuleka: ngehlelwa isiyezi, nga bona isibonakaliso, kwehla isitya, ku nga ti ingubo enkulu, yehliswa ezulwini ngamacopo amane, ya fika kimi:

₆Nga i bheka, nga qonda, nga bona izilwane zomhlaba ezi nezinyawo ezine, nezilo za sendhle, nezihululeka, nezinyoni zezulu.

₇Ngezwa izwi li ti kimi, Suka, Petro, u hlabe, u dhle.

₈Nga ti, Ai, Nkosi, ngokuba a ku zanga ku ngene emlonyeni wami into embi nengadhliwayo.

₉Kwa pinda kabili izwi li vela ezulwini, la ngi pendula ngokuti, Loko a ku hlanzile uTixo, u nga tyo wena ukuti kubi.

₁₀Loko kwa pindwa katatu: kwa buya konke kwa kutyulelwa ezulwini.

₁₁Bheka, ku se ku fike endhlini, enga ngi kuyo, abantu abatatu aba tunyelwe kimi, be vela eKesaria.

₁₂Kona uMoya wa tyo kimi ukuba ngi hambe nabo, ngi nga ngabazi luto. Ba ngi pelekezela lababazalwane aba isitupa, sa ya sa ngena endhlini ya lowomuntu:

₁₃Wa si tyela ukubona kwake ingelosi endhlini yake, i mi i ti kuye, Tuma abantu, ba ye eJopa, u bize uSimone, o tiwa uPetro.

₁₄U ya kukutyela amazwi, o ya kusindiswa ngawo, wena nayo yonke indhlu yako.

₁₅Ngi sa qala ukushumayela, behlelwa uMoya o ingcwele, njengati sehlelwa uyena kuqala.

₁₆Kona nga kumbula izwi leNkosi lokuti, uJohane wa bapatiza ngamanzi, kodwa nina ni ya kubapatizwa ngoMoya o ingcwele.

₁₇Njalo uma uTixo wa ba pa isipo, njengaloku u si pe tina aba kolwa iNkosi uJesu Kristu, poke, ngi ngubani mina, ukuba ngi m pikise uTixo na?

₁₈Se be zwa loku ba tula, ba bonga uTixo be ti, Nembala uTixo u nikile abezizwe ukupenduka, ba pile.

₁₉Njalo labo aba be hlakazekile ngokuhlutywa okwesuka ngoStefano, ba hamba ba ya eFenike, na seKupro, na seAntioki, ba shumayela izwi kubaJuda bodwa, be nga shumayeli kwabanye.

₂₀Abanye kubo ba be ngabantu ba seKupro na ba seKurene; se be fikile eAntioki, ba kuluma kumaGreki, be shumayela ivangeli leNkosi uJesu.

₂₁Isandhla seNkosi sa si nabo; ba kolwa abaningi, ba pendukela eNkosini.

₂₂Kwezwakala indaba yaloku ezindhlebeni zebandhla la seJerusalema: kwa tunywa uBarnaba, ukuba a ye Antioki.

₂₃Se e fikile, wa bona umusa ka Tixo, wa ba yala bonke ukuba ba namatele eNkosini ngokuqina kwenhliziyo.

₂₄Wa e ngumuntu olungileyo, e gcwele uMoya o ingcwele nokukolwa: kwenezezelwa abantu abaningi eNkosini.

₂₅Kona uBarnaba wemuka, wa ya eTarsu, e ya kufuna uSauli.

₂₆Se e m fumene, wa m yisa eAntioki. Ba be butana nebandhla wa za wa pelela umnyaka, ba fundisa abantu abaningi: kwa qala eAntioki abafundi ba tiwa abaKristu.

₂₇Nga lezozinsuku kwa fika abaprofeti eAntioki, be vela eJerusalema.

₂₈Kwesuka omunye kubo, igama lake uAgabu, wazisa ngoMoya ukuti, ku za kuba kona indhlala enkulu ezweni lonke; ya fika emihleni ka Klaudio Kesari.

₂₉Abafundi ba zimisela, ku be ilowo ngokwemfuyo yake ukuba ba tume, ba ba size abazalwane aba hlezi eJudia.

₃₀Benza njalo, ba tumela emalungeni ngezandhla zika Barnaba noSauli.