ISAHLUKO 3

₁USOLOMONA wa qalake ukuyaka indhlu ka Jehova eJerusalema entabeni iMoria, lapo uJehova wa zibonakalisa kuDavida uyise, kuyo indawo e ya lungiswa uDavida endaweni yokubula ka Ornani umJebusi.

₂Wa qala ukwaka ngosuku lobubili lwenyanga yesibili, ngomnyaka wobune wokubusa kwake.

₃I lezike izinto e za qondiswa uSolomona ekwakeni kwake indhlu ka Tixo. Ubude bamakubiti ngesilinganiso sakuqala sa si ngamakubiti a ngamashumi a isitupa, nobubanzi amakubiti a ngamashumi amabili.

₄Novulanda o ngapambili kwendhlu ubude balo ba lingana nobubanzi bendhlu, amakubiti a ngamashumi amabili, nobude bu ikulu namashumi amabili; wa li nameka ngapakati ngegolide elihle.

₅Nendhlu enkulu wa i peta ngomuti wefire, wa li xuba negolide elihle, wa beka kona imiti yomtemari namakatango.

₆Wa hlobisa indhlu ngamatye a igugu, negolide la li igolide leParvaimi.

₇Futi wa i nameka indhlu, izingongolo, nezinsika, nezindonga, neminyango, ngegolide; wa baza amakerubimi ezindongeni.

₈Wenza indhlu e ingcwele kakulu, ubude bayo bu njenga ububanzi bendhlu, amakubiti a ngamashumi amabili, nobubanzi bu ngamakubiti a ngamashumi amabili; wa i nameka ngegolide elitya, inani li ngamatalenta a ngamashumi a isitupa.

₉Nesikalo sezipikili sa si ngamashekeli a ngamashumi a isihlanu egolide. Wa nameka izindhlu zapezulu ngegolide.

₁₀Nakuyo indhlu e ingcwele kakulu, wenza izitombe ezibili zamakerubimi, wa zi nameka ngegolide.

₁₁Nezinhlangoti zamakerubimi za zi ngamakubiti a ngamashumi amabili ngobude, olunye uhlangoti lu ngamakubiti a isihlanu, lu fika odongeni lwendhlu; nolunye uhlangoti lwa lu njalo futi, lwa fika kolunye udonga.

₁₂Nolunye uhlangoti lolunye udonga lwa ngamakubiti a isihlanu, lu fike odongeni lwendhlu; nolunye lu njalo futi, lwa hlangana nolunye uhlangoti lolunye udonga.

₁₃Ukwanda kwazo lezinhlangoti zamakerubimi kwa ku ngamakubiti a ngamashumi amabili; zema ngezinyawo zazo, ubuso bu pakati.

₁₄Neveli wa lenza laba luhlaza, nokubomvu, nokubomvu kakulu, nendwangu enhle, wenza namakerubimi kona.

₁₅Wenza futi ngapambi kwendhlu izinsika ezibili, ubude bazo bu ngamakubiti a ngamashumi amatatu nesihlanu, nezihlokwana ezi ngapezu kwazo zi ngamakubiti a isihlanu.

₁₆Wenza namakatango, wa wa beka pezu kwamakanda ezinsika; wenza namarimoni a ikulu wa wa beka pezu kwamakatango.

₁₇Wa vusa lezo nsika ngapambi kwetempeli, enye ngalapa, nenye ngalapa; e ya ngasesokunene wa i biza ngokuti uJakini, ne ya ngasokohlo uBoazi.