ISAHLUKO 3

₁LELIZWI li qinisile, lokuti, uma umuntu e fisa ukubekwa umbonisi, u ya nxanela umsebenzi omuhle.

₂Ku fanele umbonisi a be ongasolekiyo, indoda e nomfazi munye, ebhekisisayo, eqondileyo, e hamba ngokufaneleyo, e pata kahle abapambukeleyo, efundisayo,

₃E nga bi isidakwa, e nga bi uhlanya; e nga bi umfisi kepa emnene, e nga xabani, e nga nxaneli imali.

₄E mela kahle indhlu yake, abantwana bake be m lalela, be nokuhlonipa kahle;

₅(Ngokuba uma umuntu e ngazi ukumela eyake indhlu, a nga gcina kanjani ibandhla lika Tixo.)

₆A nga bi e sandu kukolwa, funa a zikukumeze, ehlelwe ukulahlwa kuka Satani.

₇Ku m fanele futi ukuba a tuswe aba ngapandhle, funa ehlelwe ukutukwa nesihibe sika Satani.

₈Ku njaloke nezikonzi, ku zi fanele zi be abahlonipekayo, zi nge nakukuluma okubili, zi nga bi izidakwa, zi nga fisi imfuyo embi;

₉Zi bambisise imfihlakalo yokukolwa ngenhliziyo emhlope.

₁₀A zi lingwe kuqala, zandu kubekwa izikonzi, zi nge nansolo.

₁₁Ku njalo nomkabo, ku ba fanele ba be abahlonipekayo, be nga bi abahlebayo, be ngabaqondayo, abakolekayo ngako konke.

₁₂Izikonzi a zi be amadoda a nabafazi ngabanye, zi mela kahle abantwana bazo nezindhlu zazo.

₁₃Ngokuba aba izikonzi ezi konzile kahle, ba zenzela ukuma okuhle, nesibindi esi kulu ekukolweni oku kuKristu Jesu.

₁₄Ngi ku lobela loku, ngetemba ngo ze ngi fike kuwena masinyane,

₁₅Kepa, uma ngi libele, ukuze wazi ukuhamba oku ku fanele endhlini ka Tixo, e ibandhla lika Tixo opilayo, e insika nesisekelo seqiniso.

₁₆Ku vunyelwa ukuti, inkulu imfihlakalo yokukonza, uTixo wa bonakala ngenyama, wa dunyiswa uMoya, wa bonwa izingelosi, wa shunyayelwa ezizweni, wa koleka emhlabeni, wamkelwa pezulu ebukosini.