ISAHLUKO 22

₁UDAVIDA weuka lapo, wa balekela wa ya emhumeni wa seAdulamu; ba ku zwa abafo wabo nabo abendhlu ka yise, behlela kona kuye.

₂Kwa butana kuye abantu bonke aba nabo, bonke aba be namacala, nabo bonke aba benhliziyo i hlupekayo; wa ba inkosi pezu kwabo; ba be kona naye kungati abantu abamakulu mane.

₃uDavida wesuka lapo wa ya eMizpa la seMoabi, wa ti enkosini ya seMoabi, Ma beze obaba nomame ba hlale kuwe ngi ze ngazi ukuba uTixo u ya kwenzani kimi.

₄Wa ba beka enkosini ya seMoabi, ba hlala nayo izinsuku zonke zokuhlala kuka Davida enqabeni.

₅uGadi umprofeti wa ti kuDavida, U nga hlali enqabeni, hamba u ye ezweni la kwa Juda. Wesuka uDavida wa ya ehlatini la seHareti.

₆uSauli wezwa ukuti uDavida u yaziwa nabantu aba be naye; uSauli wa e hlezi eGibea pansi komesheli entatyaneni, a pete umkonto wake, nezinceku zake zi mi naye.

₇uSauli wa ti ezincekwini zake ezi naye, Yizwani, nina ba kwa Benjamini, Indodana ka Jese i ya kuninika, nina nonke amasimu nezivini, i nenze nina nonke ni be izinduna zezinkulungwane neziduna zamakulu,

₈Ngokuba ni cebile ngami nina nonke, ka ko o ngi tyelayo ukuti indodana yami yenzile isivumelwano nendodana ka Jese, ka ko kini o ngi dabukelayo, no ngi tyelayo ukuti indodana yami i ngi vusele inceku yami ukuba i ngi hlomele njenga namhla?

₉Wa pendula uDoegi wa kwa Edomi, owa e misiwe pezu kwezinceku zika Sauli, wa ti, Nga bona indodana ka Jese i za eNobi kuAhimeleki indodana ka Ahitubi.

₁₀Wa m buzela kuJehova, wa m nika umpako, wa m nika nenkemba ka Golia umFilisti.

₁₁Inkosi ya tuma ukubiza uAhimeleki umpristi indodana ka Ahitubi, nabo bonke abendhlu kayise, abapristi aba be seNobi beza bonke enkosini.

₁₂uSauli wa ti, Yizwake, ndodana ka Ahitubi. Wa ti, Ngi lapa, nkosi yami.

₁₃uSauli wa ti kuye, Ni cebeleni ngami, wena nendodana ka Jese; u i nikile ukudhla nenkemba; u i buzele kuTixo, ukuba i ngi vukele i ngi hlomele njenga namhla?

₁₄uAhimeleki wa pendula inkosi wa ti, Ubani kuzo zonke izinceku zako otembekayo njengoDavida, umkwenyana wenkosi, o ku lalelayo notuswayo endhlini yako.

₁₅Nga qala ini ngalolosuku ukumbuzela kuTixo? Qa; inkosi ma i nga beki icala encekwini yayo, na kuyo yonke indhlu kababa, ngokuba inceku yako be i ngazi luto kuleyondaba yonke, noluncane nolukulu.

₁₆Inkosi ya ti, U ya kufa nokufa, Ahimeleki, wena nabo bonke abendhlu ka yihlo.

₁₇Inkosi ya ti kuzo izigijimi ezi mi nayo, Sondelani ni bulale abapristi baka Jehova; ngokuba isandhla sabo si naye uDavida; na ngokuba bazi ukuti uDavida wa baleka, kepa a ba ngi tyelanga. Kepa izinceku zenkosi a zi vumanga ukwelula isandhla sazo ukuba zi bulale abapristi baka Jehova.

₁₈Inkosi ya ti kuDoegi, Sondela wena, u bulale abapristi; uDoegi wa kwa Edomi wa sondela, wa behlela abapristi, wa bulala ngalolosuku abamashumi ashiyagalombili nesihlanu abambete iefodi lelineni.

₁₉iNobi, umuzi wabapristi, wa li nqoba ngobukali benkemba, amadoda naba fazi, abantwana nabancelayo, nezinkabi nezimbongolo, nezimvu, wa zi bulala ngobukali benkemba.

₂₀Omunye kumadodana ka Ahimeleki indodana ka Ahitubi, igama lake li nguAbiatari wa baleka, wa m landela uDavida.

₂₁uAbiatari wa m tyela uDavida ukuti uSauli u bulele abapristi baka Jehova.

₂₂uDavida wa ti kuAbiatari, Ngazi ngalolosuku, lapo uDoegi wa kwa Edomi wa e kona, ukuti u za kutyela uSauli; imina o bangela ukuba ba fe abantu bonke bendhlu ka yihlo.

₂₃Hlala nami, u ngesabi; ngokuba o funa ukubulala mina, u funa ukubulala wena; kodwa u ya kugcinwa nxa u kona nami.