ISAHLUKO 2

₁BANTWANA bami, ngi ya ni lobela lezizinto, ukuze ni ngoni. Kepa uma umuntu ona, si nommeli kuYise, uJesu Kristu olungileyo.

₂Yena u isihlaulo ngezono zetu; a ngi tyo ezetu zodwa, ngi tyo nezezwe lonke.

₃Si yazi ngaloku ukuti si ya m azi yena, uma si gcina imiyalo yake.

₄Yena o tyoyo ukuti, Ngi ya m azi, kepa ka i gcini imiyalo yake, u namanga, iqiniso a li ko kuye.

₅Kodwa o li gcinayo izwi lake, utando luka Tixo lu pelele kuyena impela. Ngaloku si yazi ukuti, si kuye.

₆Yena o tyoyo ukuti, u hlala kuye, nga e hamba njengaloku wa hamba yena.

₇Batandekayo, a ngi ni lobeli umyalo omutya, kodwa umyalo omdala, ena ni nawo ekuqaleni. Umyalo omdala u izwi ena li zwayo ekuqaleni.

₈Kepa, ngi ya ni lobela umyalo omutya, oku iqiniso kuyena na kinina; ngokuba ubumnyama bu sa dhlula, ukukanya oku isiminya se ku kanya.

₉Yena o tyoyo ukuti, u sekukanyeni, nxa e zonda umzalwane wake, u se sebumnyameni na kaloku.

₁₀O tandayo umzalwane wake u hlala ekukanyeni; a si ko isikubekiso kuye.

₁₁Kodwa o zondayo umzalwane wake, u sebumnyameni, u ya hamba ebumnyameni, a kazi lapa e ya kona, ngokuba ubumnyama bu wa pumputekisa amehlo ake.

₁₂Ngi ya ni lobela bantwana, ngokuba ni tetelelwe izono zenu ngegama lake.

₁₃Ngi ya ni lobela, boyise ngokuba ni ya m azi yena owa e kona ekuqaleni. Ngi ya ni lobela nina, zinsizwa, ngokuba ni m ahlulile owonakeleyo. Ngi ni lobele nina, bantwana, ngokuba ni m azi uYise.

₁₄Ngi ni lobele nina, boyise, ngokuba ni m azi yena owo e kona ekuqaleni. Ngi ni lobele nina, zinsizwa, ngokuba ni namandhla, izwi lika Tixo li hlala kinina, ni m ahlulile owonakeleyo.

₁₅Ni nga li tandi izwe, nezinto ezi sezweni. Uma umuntu e tanda izwe, utando luka Tixo a lu ko kuye.

₁₆Ngokuba konke okusezweni, inkanuko yenyama, nenkanuko yamehlo, nokuzidhla ngokubusa, a ku veli kuYise, ku vela ezweni.

₁₇Kepa izwe li ya dhlula, nenkanuko yalo; Kodwa o yenzayo intando ka Tixo, u ya kuhlala ku ze ku be pakade.

₁₈Bantwana, ku isikati sokupela; njengaloku nezwa ku tiwa, umpikuKristu u yeza, na kaloku se be kona opikuKristu abaningi; nga loku si yazi ukuti, ku isikati sokupela.

₁₉Ba puma kitina, kepa ba be nge sibo abakiti; ngokuba uma ba be ngabakiti, nga be hlala nati; kepa ba puma ukuze ba bonakaliswe ukuti, a sibo abakiti bonke.

₂₀Kodwa nina ni nokugcotywa oku vela kuyena o ingcwele, ni yazi izinto zonke.

₂₁A ngi ni lobele ngokuba ni nga lazi iqiniso; ngi ni lobele ngokuba ni lazi, na ngokuba a ku veli eqinisweni amanga nakanye.

₂₂Ubani o namanga, uma e nge siye o pikayo, e ti uJesu a ka siye uKristu. Lowo u umpikuKristu opikayo uYise neNdodana.

₂₃O pikayo iNdodana ka naye uYise; kepa o vumayo iNdodana u naye uYise.

₂₄Loko ena ku zwayo ekuqaleni a ku hlale kinina. Uma ku hlala kini loku ena ku zwayo ekuqaleni, ni ya kuhlala kuyo iNdodana na kuye uYise.

₂₅Iloku okwetenjiswayo, a setembisa kona, ukupila okupakade.

₂₆Ngi ni lobele lezizinto ngabanedusayo.

₂₇Kodwa ukugcotywa ena kwamkelayo kuye, ku hlala kini; a ni swele ukuba ni fundiswe umuntu: kepa njengokuba loko ukugcotywa ku ni fundisa ngezinto zonke, ku iqiniso, a ku kohlisi, njengokuba ku ni fundisile, hlalani njalo kuye:

₂₈Na kaloku, bantwana, a ni hlale kuye; ukuze, nxa e bonakala, si me isibindi, si nga jabi ekufikeni kwake.

₂₉Uma nazi ukuti, u lungile yena, ni yazi ukuti, bonke abenzayo ukulunga ba zelwe uye.