ISAHLUKO 14

₁LANDANI utando, ni nxanele izipiwo zika Moya; kakulu ukuba ni profete.

₂Ngokuba o kuluma ngolimi olungaziwayo ka kulumi kubantu, u kuluma kuTixo, ngokuba ku nge ko o muzwayo noko emoyeni u ya kuluma imifihlakalo.

₃Kepa oprofetayo u kuluma kubantu ukwaka, nokululeka, nokwenamisa.

₄O kuluma ngolimi olungaziwayo u ya zakela yena; kepa oprofetayo wakela ibandhla.

₅Ngi tanda ukuba ni kulume ngezilimi nonke, kepa kakulu ukuba ni profete; ngokuba omkulu oprofetayo ku naye o kuluma ngezilimi, uma e nga kumushi, ukuze ibandhla lakelwe.

₆Kepa, bazalwane, uma ngi za kini, ngi kuluma ngezilimi, ngi ya kunisiza ngani, uma ngi nga kulumi kinina ngokwambula, na ngokwazi, na ngokuprofeta, na ngokufundisa?

₇Nezinto ezi nge zwayo ezikalayo noma ku ugubu, noma ku umtyingo, uma zi ngahlukani ngokukala, ku ngaziwa kanjani okubetwayo ngogubu na ngomtyingo na?

₈Uma itilongo li kala ngezwi elingaqondiyo ubani o ya kuhlomela ukulwa na?

₉Njalo nani uma ni nga kulumi ngolimi, izwi eliqondileyo, ku ngaziwa kanjani okukulunywayo na? loku ni ya kukuluma emoyeni nje.

₁₀Ku kona, ku nga ti, izilimi ezingaka emhlabeni, kepa a lu ko kuzo olu ngenakuzwiwa.

₁₁Ngakoke uma ngi nga kwazi okukulunywayo, ngi ya kuba owezizwe kokulumayo; nokulumayo u ya kuba owezizwe kimi.

₁₂Njalo nani, loku ni nxanela izipiwo zika Moya, lingani ukuba ni vame, ukuze kwakelwe ibandhla.

₁₃Ngakoke okulumayo ngolimi olungaziwayo, a ka kuleke ukuze a kumushe.

₁₄Ngokuba uma ngi kuleka ngolimi olungaziwayo, ku kuleka umoya wami, kepa ukwazi kwami a ku nakutela.

₁₅Se ku tini na? Ngi ya kukuleka ngomoya, ngi kuleke na ngokwazi; ngi ya kuhlabelela ngomoya, ngi hlabelele na ngokwazi futi.

₁₆Uma ku nge njalo, nxa u bonga ngomoya, ongafundileyo a nga tyo kanjani ukuti, Ameni, ekubongeni kwako? Loku e ngazi okuk tyoyo.

₁₇U bonga kahle wena, kepa lowo a kakelwa.

₁₈Ngi ya m bonga uTixo, ngi kuluma ngezilimi ku nani nonke.

₁₉Kepa ebandhleni ngi tanda ukuba ngi kulume amazwi amahlanu ngokwazi kwami, ukuze ngi fundise abanye, ku namazwi a izinkulungwane ezi ishumi ngolimi olungaziwayo.

₂₀Bazalwane, ni nga bi izingane ngokwazi; kepa ngokubi a ni be izingane; ngokwazi a ni be amadoda.

₂₁Ku lotyiwe emtetweni ukuti, Ngabantu bezinye izilimi nezinye izindebe ngi ya kukuluma ku lesisizwe; kepa, noma ku njalo, a ba yi ku ngi zwa; i tyo iNkosi.

₂₂Njalo izilimi zi isibonakaliso kwabangakolwayo, a siso kwabakolwayo; kepa ukuprofeta ku ya ngokwabakolwayo, ku nga yi ngokwabangakolwayo.

₂₃Ngakoke uma ibandhla lonke li butene ndawonye, bonke be kuluma ngezilimi, ku ngene abangafundile nabangakolwayo, a ba yi kuti, ni ya hlanya na?

₂₄Kodwa uma bonke ba profeta, ku ngene ongakolwayo noma ongafundileyo, u ya qiniswa ibo bonke, u ya lahlwa ibo bonke.

₂₅Imfihlakalo yenhliziyo yake i ya bonakaliswa; njalo e wa ngobuso, u ya kumdumisa uTixo, a vume, a ti, impela uTixo u kona pakati kwenu.

₂₆Ku njani bazalwane? uma ni butanayo nonke, ilowo u nesihlabelelo, u nesifundiso, u nolimi, u nokwambula, u nesikumsho. Konke a kwenzelwe ukwaka.

₂₇Uma e kuluma umuntu ngolimi, a ku be ababili, nokuba batatu, kupela be landelana; a ku kunyushwe.

₂₈Kepa uma ku nge ko okumshayo, a ka tule ebandhleni; a zikulumele yena noTixo.

₂₉Abaprofeti a ba kulume ababili, nokuba abatatu, abanye ba qonde.

₃₀Uma kwambulwa uto komunye ohleziyo, ka tule owokuqala.

₃₁Ngokuba ni nga profeta nonke ngabanye, ukuze ba funde bonke, ba lulekwe bonke.

₃₂Imimoya yabaprofeti i ya tobela abaprofeti.

₃₃Ngokuba uTixo a siye owesipitipiti, kepa owokutula, njenga kuwo onke amabandhla abangcwele.

₃₄Abesifazana benu a ba tule emabandhleni; a ku vunyelwa ukuba ba kulume; kepa nga be tobeka, njengokutyo komteto.

₃₅Uma be tanda ukuzwa uto, a ba buze emadodeni abo emakaya; ngokuba ku amahloni kwabesifazana ukukuluma ebandhleni.

₃₆Izwi lika Tixo la vela kini na? la fika kinina nodwa na?

₃₇Uma umuntu e ti u ngumprofeti, nokuba u ngoka Moya, a ka vume ukuti, loku engi ni lobele kona, ku imitete yeNkosi.

₃₈Uma umuntu e ngazi, a ka ngazi.

₃₉Ngakoke, bazalwane, nxanelani ukuprofeta, ni nga nqabeli ukukuluma ngezilimi.

₄₀A kwenziwe kahle konke, ku hlelwe.