Tlhahisoleseding e Nngwe

IZIKRONIKE II 27

UJothamu uyinkosi kwaJuda

₁UJothamu wayeneminyaka engamashumi amabili nanhlanu ekuqaleni kwakhe ukubusa, wabusa iminyaka eyishumi nesithupha eJerusalema; igama likanina lalinguJerusha indodakazi kaSadoki.

₂Wenza okulungile emehlweni kaJehova njengakho konke akwenzileyo uUziya, kepha akangenanga ethempelini likaJehova. Abantu babesasebenza ukonakala.

₃Wakha isango lasenhla lendlu kaJehova; nasogangeni lwaseOfeli wakha okuningi.

₄Wakha imizi ezintabeni zakwaJuda; emahlathini wakha izinqaba nemibhoshongo.

₅Walwa nenkosi yabantwana bakwaAmoni, wabahlula. Abantwana bakwaAmoni bamnika ngawona lowomnyaka amatalenta* ayikhulu esiliva, namakhora* ayizinkulungwane eziyishumi kakolweni, nawebhali* ayizinkulungwane eziyishumi. Lokho-ke abantwana bakwa-Amoni bakuyisa kuye nangomnyaka wesibili nangowesithathu.

₆UJothamu waba-namandla, ngokuba walungisa izindlela zakhe phambi kukaJehova uNkulunkulu wakhe.

₇Ezinye izindaba zikaJothamu, nakho konke ukulwa kwakhe, nezindlela zakhe, bheka, zilotshiwe encwadini yamakhosi akwaIsrayeli nakwaJuda.

₈Wayeneminyaka engamashumi amabili nanhlanu ekuqaleni kwakhe ukubusa, wabusa iminyaka eyishumi nesithupha eJerusalema.

₉UJothamu wayeselala koyise; bammbela emzini kaDavide; uAhazi indodana yakhe waba-yinkosi esikhundleni sakhe.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

IZIKRONIKE II 27

UJothamu uyinkosi kwaJuda