AMahubo 122

₁Ngajabula lapho bethi kimi:

“Masiye endlini kaSimakade.”

₂Izinyawo zethu sezimi

emasangweni akho, Jerusalema,

₃Jerusalema, wena owakhiwe njengomuzi

ohlanganiswe waqina,

₄lapho imindeni ikhuphukela khona,

imindeni kaSimakade,

ngokomthetho wakwa-Israyeli,

ukuba idumise igama likaSimakade.

₅Ngokuba izihlalo zokwehlulela zimiswe khona,

izihlalo zobukhosi zendlu kaDavide.

₆Khulekelani ukuthula kweJerusalema:

“Abakuthandayo mabaphumelele.

₇Makube nokuthula phakathi kwezingange zakho,

nempumelelo ezigodlweni.”

₈Ngenxa yabafowethu nabangani bethu

ngizothi manje:

“Makube khona ukuthula kuwe.”

₉Ngenxa yendlu kaSimakade uNkulunkulu wethu,

ngiyokufunela okuhle.