U-Izaya 3

₁Bheka, iNkosi uSimakade Wamabandla

iyakususa eJerusalema nakwaJuda

konke abaphila ngakho,

konke ukudla namanzi:

₂amaqhawe namadoda empi,

abehluleli nabaphrofethi,

ababhuli namalunga,

₃izinduna zamashumi ayisihlanu

nabantu abanodumo,

abeluleki nezingcweti ezihlakaniphileyo,

nabanolwazi lokulumba.

₄Ngiyobeka abafana babe yizikhulu zabo;

izingane zibabuse.

₅Abantu bayocindezelana;

yilowo nalowo acindezele omunye,

kube yilowo nalowo umakhelwane wakhe;

izingane ziyokwedelela abadala,

nabantukazana badelele izikhulu.

₆Umuntu uyobamba umfowabo

abavela ndlini yinye kayise, athi:

“Wena unengubo,

yiba ngumbusi wethu,

le ncithakalo ibe phansi kwesandla sakho.”

“Angiyukuba ngumelaphi,

ngokuba akukho sinkwa nangubo

endlini yami;

ningangibeki umbusi wabantu.”

₈IJerusalema likhubekile, noJuda uwile,

ngokuba abakushoyo nabakwenzayo kuphambene noSimakade,

kwedelela ubukhona benkazimulo yakhe.

₉Ukubukeka kobuso babo kufakaza ngabo;

izono zabo bazenza obala njengaseSodoma, abazifihli.

Maye kubo!

Ngokuba bazilethela ububi phezu kwabo.

₁₀Tshelani abalungileyo

ukuthi kuyobahambela kahle,

ngokuba bayokudla izithelo zezenzo zabo.

₁₁Maye komubi!

Kuzomhambela kabi,

ngokuba kuyakwenziwa kuye

lokho izandla zakhe ezikwenzileyo.

₁₂Abantu bami bacindezelwa yizingane,

babuswa ngabesifazane.

Bantu bami, abaniholayo bayanidukisa;

baphambanisa indlela eniziphatha ngayo.

₁₃USimakade umele isikhundla sakhe,

ukuthetha icala, ehlulela izizwe.

₁₄USimakade uze ukuzokwehlulela

ekanye namalunga abantu bakhe

nabaholi babo, uthi:

“Yini eniqede isivini,

nabuthela impango yabampofu ezindlini zenu.

₁₅Nibachobozeleni abantu bami,

nafihliza ubuso babampofu na?”

kusho iNkosi uSimakade Wamabandla.

“Ngenxa yokuziphakamisa kwamadodakazi aseZiyoni,

ahamba elule izintamo,

ecwayizisa amehlo,

eshayela phezulu,

ekhencezisa amadavathi ezinyawo zawo;

₁₇ngenxa yalokho,

iNkosi iyozenza izimpandla

izinkakhayi zamadodakazi aseZiyoni;

uSimakade uyowashiya eyizingengelezi.”

₂₄Esikhundleni samakha, kuyoba ngukubola;

nasesikhundleni sebhande, kube yintambo;

esikhundleni sezinwele

ezilungiswe kahle, kube yimpandla;

nasesikhundleni sesidiya,

kube yisibhamba sendwangu eyisaka;

nasesikhundleni sobuhle, kube yisishada.

₂₅Amadoda akho ayokuwa ngenkemba

namaqhawe akini asale empini.

₂₆Amasango alo ayokhala, alile;

liyakuba yize, liqumbeke phansi emhlabathini.