AMahubo 61

₁Nkulunkulu, yizwa ukukhala kwami,

ubeke indlebe emkhulekweni wami.

₂Ngisemkhawulweni womhlaba, ngikhala kuwe

lapho inhliziyo yami idangele.

Ngiholele edwaleni eliphakemeyo kunami.

₃Ngokuba Wena ube yisiphephelo sami,

umbhoshongo oqinileyo phambi kwesitha sami.

₄Mangihlale ethendeni lakho ingunaphakade.

Mangikhosele emthunzini wamaphiko akho. Sela

₅Ngokuba Wena, Nkulunkulu,

uzizwile izifungo zami,

wanginika isabelo salabo

abesaba igama lakho.

₆Uzokwandisa izinsuku zokuphila kwenkosi,

iminyaka yayo ibe miningi ngangezizukulwane.

₇Iyohlala embusweni,

phambi kukaNkulunkulu ingunaphakade.

Yiqokele ububele neqiniso,

ukuba kuyilonde.

₈Ngakho-ke ngizolihubela igama lakho

kuze kube phakade,

ukuze ngifeze izifungo zami

usuku nosuku.