AMahubo 137

₁Ngasemifuleni eBhabhele

sahlala khona, sakhala,

lapho sikhumbula iZiyoni.

₂Amahabhu ethu

sawaphanyeka eminyezaneni eyayilapho.

₃Ngokuba ababesithumbile bacela

ukuba sihlabelele ihubo,

nabahluphi bethu bafuna ukujatshuliswa, bethi:

“Sihlabeleleleni amanye amahubo aseZiyoni.”

₄Siyakulihlabelela kanjani ihubo likaSimakade

sikwelinye izwe na?

₅Uma ngikhohlwa wena Jerusalema,

isandla sami sokunene

masikhohlwe ubuciko baso.

₆Ulimi lwami malunamathele olwangeni lwami,

uma ngingakukhumbuli,

uma ngingaphakamisi iJerusalema

phezu kwentokozo yami enkulu.

₇Khumbula, Simakade, usuku lweJerusalema,

ngenxa yabakwa-Edomi, abathi:

“Dilizani, dilizani,

kuze kube sesisekelweni salo.”

₈Ndodakazi yaseBhabhele,

wena oyobhujiswa,

ubusisiwe oyophindisela kuwe

ngezenzo zakho owazenza kithina.

₉Ubusisiwe obamba izingane zakho

aziphahlaze edwaleni.