AMahubo 127

₁Uma uSimakade engayakhi indlu,

basebenzela ize abayakhayo;

uma uSimakade engawuvikeli umuzi,

umlindi wawo uwuqaphelele ize.

₂Kuyize kini ukuba nivuke ekuseni,

nephuze ukuphumula,

nidle isinkwa sezinhlupheko,

ngokuba uyamupha othandiweyo wakhe esalele.

₃Bheka, abantwana bayifa elivela kuSimakade,

isithelo sesibeletho singumklomelo.

₄Njengemicibisholo esandleni seqhawe,

banjalo abantwana bobusha.

₅Ibusisiwe indoda emgodla wayo

ugcwele bona,

abayukujabha lapho

bekhuluma nezitha zabo esangweni.