AMahubo 125

₁Abamethembayo uSimakade bafana nentaba iZiyoni

engenakunyakaziswa, kepha emi phakade.

₂Njengalokhu izintaba zizungeze iJerusalema,

noSimakade ubazungeze kanjalo abantu bakhe

kusukela manje

kuze kube phakade.

₃Ngokuba intonga yezikhohlakali

ayinakuhlala phezu kwesabelo sabalungileyo,

funa abalungileyo

benze okungalungile ngezandla zabo.

₄Simakade, benzele okuhle abalungileyo

nabaqotho ezinhliziyweni zabo,

₅kodwa abaphambukela ezindleleni zabo ezigwegwileyo,

uSimakade uzobaxosha kanye nabenza okubi.

Ukuthula makube phezu kuka-Israyeli.