AMahubo 101

₁Ngizohuba ngomusa nobulungiswa,

ngikudumise Wena Simakade.

₂Ngizohamba ngobuqotho, ngingabi nacala.

Uyakuza nini kimi na?

Ngizohamba nginenhliziyo emsulwa endlini yami.

₃Angizukuyibeka phambi kwamehlo ami into embi;

ngiyakuzonda okwenziwa ngabahlubukayo,

akuyukunamathela kimi.

₄Ngiyakuziqhelelanisa nenhliziyo edukileyo,

omubi angiyukumnaka.

₅Ohleba umakhelwane wakhe esithe ngiyombhubhisa,

angiyukumbekezelela ozikhukhumezayo.

₆Amehlo ami akwabathembekileyo bomhlaba

ukuze bahlale nami,

ohamba endleleni engenacala, uyakungikhonza.

₇Akukho namunye owenza inkohliso,

oyohlala endlini yami,

namunye oqamba amanga,

oyokuma phambi kwamehlo ami.

₈Njalo ekuseni ngizobabhubhisa ababi ezweni,

ngibaqede bonke abenzi bokubi

emzini kaSimakade.