Tlhahisoleseding e Nngwe

1 YEZIGANEKO 24

Ukwahlulwa-hlulwa kwababingeleli

₁Oonyana baka-Aron babahlulwa-hlulwe kanje: Naba oonyana baka-Aron: uNadabhi, uAbhihu, uEliyazare, noItamare. ₂Kambe ke yena uNadabhi noAbhihu basweleka bengenanyana kwangaphambi kokusweleka kukayise. Ngoko ke ababingeleli yaba nguEliyazare noItamare. ₃UDavide wancediswa nguZadoki, owayeyinzala kaEliyazare, kunye noAhimeleki, owayeyinzala kaItamare; baza ke babahlula-hlula bangamaqela okulungiselela ngezigaba ezimisiweyo. ₄Kwafumaneka iqela elikhulu kwinzala kaEliyazare kunelo lafumaneka kwinzala kaItamare, baza ke bahlulwa-hlulwa ngokunjalo: Yaba ziinkulu ezilishumi elinesithandathu kwinzala kaEliyazare, yaziinkulu ezisibhozo kwinzala kaItamare. ₅Babahlula-hlula ngendlela engenaxanasi ngokwenza *amaqashiso, kuba kaloku kwakukho amagosa esibingelelo namagosa ezakwaThixo kuzo zozibini izizukulwana zikaEliyazare nezo zikaItamare.

₆Ke unobhala uShemaya, unyana kaNataniyeli umLevi, wawabhala amagama abo ekho nokumkani kunye nala magosa: umbingeleli uZadoki, uAhimeleki unyana ka-Abhiyatare, kunye neenkulu zezindlu zababingeleli kunye nezabaLevi. Kwakuthathwa indlu ibe nye kuEliyazare, ize ibe nye nakuItamare.

₇Amaqashiso aphuma ngolu hlobo:

Elokuqala laphuma noJoyaribhi,

elesibini noYedaya,

₈

elesithathu noHarim,

elesine noSeworim,

₉

elesihlanu noMalekiya,

elesithandathu noMiyamin,

₁₀

elesixhenxe noHakoze,

elesibhozo noAbhiya,

₁₁

elethoba noYeshuwa,

eleshumi noShekaniya,

₁₂

eleshumi elinanye noEliyashibhi,

eleshumi elinesibini noYakim,

₁₃

eleshumi elinesithathu noHupa,

eleshumi elinesine noYeshebhabhi,

₁₄

eleshumi elinesihlanu noBhilega,

eleshumi elinesithandathu noImere,

₁₅

eleshumi elinesixhenxe noHezire,

eleshumi elinesibhozo noHapizere,

₁₆

eleshumi elinethoba noPetaya,

elamashumi amabini noYezekeli,

₁₇

elamashumi amabini ananye noJakin,

elamashumi amabini anambini noGamuli,

₁₈

elamashumi amabini anantathu noDelaya,

nelamashumi amabini anane noMaziya.

₁₉Lulo olo ke uluhlu lokusebenzisana kwabo ekulungiseleleni endlwini kaNdikhoyo ngokwemimiselo abayinikwa ngukhokho wabo uAron ethobela umyalelo kaNdikhoyo uThixo kaSirayeli.

Abanye abaLevi

₂₀Nazi ke ezinye iinkulu zezindlu zakwaLevi:

koonyana baka-Amram nguShubhayeli,

koonyana bakaShubhayeli nguYedeya,

₂₁

koonyana bakaRehabhiya inkulu nguIshiya,

₂₂

kumaIzare nguShelomoti,

koonyana bakaShelomoti nguYahati,

₂₃

koonyana [bakaHebron] nguJeriya

inkulu, ibe nguAmariya owesibini, noYeziyeli owesithathu, noYekamam owesine,

₂₄

koonyana bakaUziyeli nguMika,

koonyana bakaMika nguShamire,

₂₅

koonyana bakaIshiya, umntakwabo-Mika, nguZekariya,

_26-27

koonyana bakaMerari nguMali noMushi,

koonyana bakaYaziya, unyana kaMerari, nguBheno, noShoham, noZakure, noHibri,

₂₈

koonyana bakaMali nguElazare ongabanga nanyana,

₂₉

koonyana bakaKishe nguJerameli,

₃₀

koonyana bakaMushi nguMali, noEdere, noJerimoti.

Abo ke ngabaLevi ngokwezindlu zabo. ₃₁Nabo benza *amaqashiso kwanjengabantakwabo abayinzala ka-Aron, ekho nokumkani uDavide, uZadoki, uAhimeleki, neenkulu zezindlu zababingeleli nezabaLevi. Izindlu zâbo baziinkulu zaziphathwa ngokufanayo nezo zâbo baziinci.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

1 YEZIGANEKO 24

Ukwahlulwa-hlulwa kwababingeleli

Abanye abaLevi