IINDUMISO 87

₁Useko alusekileyo lusezintabeni ezingcwele;

₂Amasango eZiyon uYehova uwathanda

Ngaphezu kweminquba yonke kaYakobi.

₃Kuthethwa iinto ezizukileyo ngawe,

Mzi kaThixo. (Phakamisani.)

₄ORahabhi noBhabheli ndiya kubakhankanyela kwabandaziyo;

Nalo elamaFilisti nelaseTire, kunye nelakwaKushi,

Aba bazalelwe khona.

₅Ngokusingisele kwiZiyon, kuya kuthiwa,

Lo, naló, uzalelwe kuyo,

Abe yena Osenyangweni eyizinzisa.

₆UYehova uya kubàla, ekuzibhaleni izizwi, athi,

Abaya bazalelwe khona: (Phakamisani.)

₇Baze, bevuma beqamba, bathi,

Yonke imithombo yam ikuwe.