IINDUMISO 43

₁Líthethe ityala lam, Thixo, ubambane ngenxa yam nohlanga olungenanceba;

Ndísindise endodeni ekhohlisayo, enobugqwetha.

₂Ngokuba ùnguThixo oyinqaba yam; ùndihlambelani na?

Ndihambelani na ngezimnyama zokuzila, ngokuxina kotshaba?

₃Thuma ukukhanya kwakho nenyaniso yakho, zindikhaphe,

Zindise entabeni yakho engcwele,

Naseminqubeni yakho.

₄Ndoya ke esibingelelweni sikaThixo,

KuThixo wovuyo lwam olugcobayo,

Ndibulèle kuwe ngohadi, Thixo onguThixo wam.

₅Kungani na ukuba ùsibekeke, mphefumlo wam?

Kungani na ukuba ugule ngaphakathi kwam?

Lindela kuThixo, ngokuba ndisaya kubuya ndibulele kuye,

Olusindiso lobuso bam, noThixo wam.