IINDUMISO 26

₁Líthethe ityala lam, Yehova, ngokuba mna ndihambé engqibelelweni yam,

Ndakholosa ngoYehova, andahexa.

₂Ndícikide, Yehova, undilinge;

Nyibilikisa izintso zam nentliziyo yam.

₃Ngokuba inceba yakho iphambi kwamehlo am,

Ndihamba enyanisweni yakho.

₄Andihlali namdoda akhohlakeleyo,

Àndihambi nabanyhwalazi.

₅Ndilithiyile ibandla labenzi bobubi,

Àndihlali nabangendawo.

₆Ndizihlamba kokumsulwa izandla zam,

Ndisiphàhle isibingelelo sakho, Yehova,

₇Ukuba ndivakalise izwi lokubulela,

Ndibalise ngayo yonke imisebenzi yakho ebalulekileyo.

₈Yehova, ndiyalithanda ikhaya eliyindlu yakho,

Nendawo yokuhlala kozuko lwakho.

₉Musa ukuwubuthela umphefumlo wam ndawonye naboni,

Ubomi bam ndawonye namadoda anamagazi;

₁₀Wòna azandla zinamanyala,

Wòna ezokunene zawo zizeleyo zizicengo.

₁₁Mna ke okwam ndihamba engqibelelweni yam;

Ndíkhulule, undibabale.

₁₂Unyawo lwam lumi endaweni ebanzi;

Ndimbonga uYehova ndisemabandleni.