IINDUMISO 130

₁Ezinzulwini ndinqula wena, Yehova,

₂Nkosi, yiva ilizwi lam.

Iindlebe zakho mazilibazele

Ilizwi lokutarhuzisa kwam.

₃Ukuba uthe wabunqala ubugwenxa, Yehova,

Ngubani na ongaba nokuma, Nkosi?

₄Ngokuba kunawe ukuxolela,

Ukuze woyikwe.

₅Ndithembéle kuYehova, uthembile umphefumlo wam;

Ndilindé ilizwi lakhe.

₆Umphefumlo wam ulindele eNkosini

Ngaphezu kwabalinde ukusa,

Ewe, abalinde ukusa.

₇Lindela kuYehova, Sirayeli,

Ngokuba inceba ikuYehova;

Ikuye inkululeko eninzi.

₈Yena ke wowakhulula amaSirayeli

Ebugwenxeni bawo bonke.