IINDUMISO 128

₁Hayi, uyolo lwabantu bonke abamoyikayo uYehova,

Abahamba ngeendlela zakhe!

₂Ukuxelenga kwezandla zakho inene ùya kukudla,

Ùya kuba noyolo wena, kulunge kuwe.

₃Umkakho woba njengomdiliya oqhamayo

Endlwini yakho ngaphakathi;

Oonyana bakho babe njengezithole zomnquma

Ngeenxa zonke esithebeni sakho.

₄Yabona, únjalo ukusikelelwa umfo

Omoyikayo uYehova.

₅Makakusikelele uYehova eZiyon.

Uyibone iYerusalem inenyhweba

Yonke imihla yobomi bakho;

₆Ubone abantwana babantwana bakho.

Malube luxolo kuSirayeli.