Tlhahisoleseding e Nngwe

INUMERI 17

Ukuntshula kwentonga ka-Aron

₁Wathetha uYehova kuMoses, esithi, ₂Thetha koonyana bakaSirayeli, uthabathe kubo iintonga: intonga ngokwendlu yooyise, kwiinkulu zabo zonke ngokwezindlu zooyise, iintonga ezilishumi elinambini, ubhale igama lalowo nalowo entongeni yakhe.

₃Wòbhala igama lika-Aron entongeni yakwaLevi; kuba yoba nye intonga yentloko yendlu yooyise. ₄Uze uzibeke ententeni yokuhlangana phambi kwesingqino, apho ndihlangana nani khona. ₅Kothi indoda endinyule yona, intonga yayo idubule; ndikuphelise phambi kwam ukukrokra koonyana bakaSirayeli, ababenikrokrela ngako.

₆Wathetha ke uMoses koonyana bakaSirayeli; zonke iinkulu zabo zamnika iintonga nganye, intonga yanye kwinkulu, ngokwezindlu zooyise, zalishumi elinambini iintonga. Intonga ka-Aron yabe iphakathi kweentonga zazo. ₇Wazibeka uMoses iintonga phambi koYehova, ententeni yesingqino. ₈Kwathi ngengomso, wangena uMoses ententeni yesingqino; nantso intonga ka-Aron, wendlu kaLevi, idubule yaphuma amathupha, yatyatyamba iintyantyambo, zavuthwa iiamangile.• ₉Waphuma uMoses neentonga zonke, evela kuYehova, weza nazo koonyana bonke bakaSirayeli. Bakhangela, bathabatha elowo intonga yakhe. ₁₀Wathi uYehova kuMoses, Yibuyisele intonga ka-Aron phambi kwesingqino igcinwe, ukuba ibe ngumqondiso kwabaneenkani, ukuphelise ukukrokra kwabo phambi kwam, bangafi. ₁₁Wenza ke uMoses; njengoko uYehova abemwisele umthetho, wenjenjalo.

₁₂Bathetha oonyana bakaSirayeli kuMoses, bathi, Yabona, siyabhubha, siyaphela, siyaphela sonke. ₁₃Bonke abasondelayo, abasondela emnqubeni kaYehova, baya kufa. Siya kubhubha sigqibele na?

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

INUMERI 17

Ukuntshula kwentonga ka-Aron