IGENESIS 10

₁Yiyo le ke inzala yoonyana bakaNowa: uShem, noHam, noYafete. Bazalelwa oonyana emveni konogumbe.

₂Oonyana bakaYafete nguGomere, noMagogi, noMadayi, noYavan,• noTubhali, noMesheki, noTirasi. ₃Oonyana bakaGomere nguAshekenazi, noRifati, noTogarma. ₄Oonyana bakaYavan nguElisha, noTarshishe, ngamaKiti namaDodan. ₅Zadabuka kubo abo iziqithi zeentlanga emazweni, lwaolo ngokolwimi lwalo, ngokwesizwe salo ezintlangeni zazo.

₆Oonyana bakaHam nguKushi,• noMitserayim,• noPuti, noKanan. ₇Oonyana bakaKushi nguSebha, noHavila, noSebheta, noRama, noSabheteka; oonyana bakaRama nguShebha noDedan.

₈UKushi wazala uNimrodi; yena waqala waba ligorha ehlabathini. ₉Yena waba ligorha lezingela phambi koYehova; ngenxa yoko kwathiwa, NjengoNimrodi, igorha lezingela phambi koYehova. ₁₀Ukuqala kobukumkani bakhe yiBhabheli, ne-Ereki, ne-Akadi, neKalene, ezweni leShinare. ₁₁Kulo elo zwe waphuma waya kwelaseAsiriya, wákha iNineve neRehobhotire nomzi weKala, ₁₂neRezen, phakathi kweNineve neKala; nguloo mzi mkhulu ke lowo. ₁₃UMitzerayim wazala amaLudi, nama-Anam, namaLehabhi, namaNafetuyi, ₁₄namaPatrusi, namaKaseluyi, apho kwaphuma khona amaFilisti namaKafetori.

₁₅UKanan wazala uTsidon, owamazibulo wakhe, ₁₆noHeti, namaYebhusi, nama-Amori, namaGirgashi, ₁₇namaHivi, nama-Areki, namaSin, nama-Arvadi, ₁₈namaTsemari, namaHamati; emveni koko zaphangalala izizwe zamaKanan. ₁₉Umda wamaKanan wathabathela eTsidon, wasinga eGerare, wasa eGaza; wasinga eSodom, neGomora, neAdama, neTsebhoyim, wasa eLasha. ₂₀Ngabo abo oonyana bakaHam, ngokwezizwe zabo, ngokweelwimi zabo, emazweni abo, ezintlangeni zabo.

₂₁UShem wazalelwa naye; unguyise wabo bonke oonyana bakaEbhere, ungumzalwana omkhulu kaYafete. ₂₂Oonyana bakaShem nguElam, noAsuri, noArpakishadi, noLudi, noAram. ₂₃Oonyana baka-Aram ngu-Utse, noHuli, noGetere, noMashi. ₂₄UArpakishadi wazala uShela, uShela wazala uEbhere. ₂₅UEbhere wazalelwa oonyana bababini; igama lomnye belinguPelege,• ngokuba ngemihla yakhe bahlukahluka abemi behlabathi; igama lomninawa wakhe belinguYoketan. ₂₆UYoketan wazala uAlemodadi, noShelefe, noHatsaremavete, noYera, ₂₇noHadoram, noUzali, noDikela, ₂₈no-Obhali, noAbhimayeli, noShebha, ₂₉no-Ofire, noHavila, noYobhabhi; bonke abo bangoonyana bakaYoketan. ₃₀Ukuma kwabo kwathabathela eMesha, kwasinga eZefara, intaba yasempumalanga. ₃₁Ngabo abo oonyana bakaShem ngokwezizwe zabo, ngokweelwimi zabo, emazweni abo, ngokweentlanga zabo.

₃₂Zizo ezo izizwe zoonyana bakaNowa, ngokweenzalo zabo, ezintlangeni zabo; zadabuka kubo abo iintlanga ehlabathini emveni konogumbe.