IZIKRONIKE I 2

₁Ngabo aba oonyana bakaSirayeli: nguRubhen, noSimon, noLevi, noYuda, ₂noIsakare, noZebhulon, noDan, noYosefu, noBhenjamin, noNafetali, noGadi, noAshere.

₃Oonyana bakaYuda nguEre, no-Onan, noShela. Abo bathathu wabazalelwa yintombi kaShuwa, umKananekazi. Ke uEre, amazibulo kaYuda, ebenobubi emehlweni kaYehova; wambulala. ₄UTamare, umolokazana wakhe, wamzalela uPeretse noZera. Bebonke oonyana bakaYuda bahlanu. ₅Oonyana bakaPeretse nguHetseron, noHamuli. ₆Oonyana bakaZera nguZimri, noEtan, noHaman, noKalekole, noDara; bebonke bahlanu. ₇Oonyana bakaKarmi nguAkare, owawahlisela ishwangusha amaSirayeli, wenza ubumenemene entweni esingelwe phantsi. ₈Oonyana bakaEtan nguAzariya.

₉Oonyana bakaHetseron awabazalelwayo: nguYerameli, noRam, noKelubhayi. ₁₀URam wazala uAminadabhi; uAminadabhi wazala uNashon, inkulu yoonyana bakaYuda. ₁₁UNashon wazala uSalima; ₁₂uSalima wazala uBhohazi; uBhohazi wazala uObhede; uObhede wazala uYese.

₁₃UYese wazala uEliyabhi, amazibulo akhe, noAbhinadabhi owesibini, noShama owesithathu, ₁₄noNataniyeli owesiné, noRadayi owesihlanu, ₁₅no-Otsem owesithandathu, noDavide owesixhenxe. ₁₆Oodade babo baye bengooTseruya noAbhigali. Oonyana bakaTseruya nguAbhishayi, noYowabhi, noAsaheli; bathathu. ₁₇UAbhigali wazala uAmasa; uyise ka-Amasa ebenguYetere, umIshmayeli.

₁₈UKalebhi, unyana kaHetseron, wazala ngoAzubha umkakhe nangoYerihoti. Ngabo aba oonyana bakhe: uYeshere, noShobhabhi, noArdon. ₁₉Wafa uAzubha; uKalebhi wazeka uEfrata; wamzalela uHuri. ₂₀UHuri wazala u-Uri, u-Uri wazala uBhetsaleli. ₂₁Emveni koko wayingena uHetseron intombi kaMakire, uyise kaGiliyadi, wayizeka eminyaka imashumi mathandathu ezelwe; yamzalela uSegubhi. ₂₂USegubhi wazala uYahire; wayenemizi engamashumi amabini anamithathu ezweni laseGiliyadi. ₂₃UGeshuri noAram bathabatha kubo iHavoti-yahire, neKenati, namagxamesi ayo: imizi engamashumi omathandathu. Bonke aba babengoonyana bakaMakire, uyise kaGiliyadi. ₂₄Emva kokufa kukaHetseron kwaKalebhi yakwaEfrata, umkaHetseron, uAbhiya, wamzalela uAsuri, uyise ozala amaTekowa.

₂₅Oonyana bakaYerameli, amazibulo kaHetseron, babengooRam amazibulo akhe, noBhuna, no-Oren, no-Otsem, noAhiya. ₂₆UYerameli ebenomnye umfazi, igama lakhe linguAtara; ubengunina kaOnam. ₂₇Oonyana bakaRam, amazibulo kaYerameli, babenguMahatse, noYamin, noEkere. ₂₈Oonyana bakaOnam babenguShamayi, noYada. Oonyana bakaShamayi nguNadabhi, noAbhishure. ₂₉Igama lomka-Abhishure nguAbhihayili; ₃₀wamzalela uAbhan, noMolidi. Oonyana bakaNadabhi nguSelede, noApayim; wafa uSelede engazalanga. ₃₁Oonyana baka-Apayim nguIshi. Oonyana bakaIshi nguSheshan. Oonyana bakaSheshan nguAlayi. ₃₂Oonyana bakaYada, umninawa kaShamayi, nguYetere noYonatan. Wafa uYetere engazalanga. ₃₃Oonyana bakaYonatan nguPelete noZaza. Ngabo abo oonyana bakaYerameli. ₃₄USheshan ebengenanyana; ibiziintombi zodwa. USheshan ebenomkhonzi ongumYiputa; igama lakhe belinguYar-ha. ₃₅USheshan wamnika uYar-ha umkhonzi wakhe intombi yakhe, ukuba ibe ngumfazi; yamzalela uAtayi. ₃₆UAtayi wazala uNatan; uNatan wazala uZabhadi. ₃₇UZabhadi wazala uEfelali; uEfelali wazala uObhede; ₃₈uObhede wazala uYehu; uYehu wazala uAzariya; ₃₉uAzariya wazala uHeletse; uHeletse wazala uElasa; ₄₀uElasa wazala uSisamayi; ₄₁uSisamayi wazala uShalum; uShalum wazala uYekamiya; uYekamiya wazala uElishama.

₄₂Oonyana bakaKalebhi, umkhuluwa kaYerameli, nguMesha amazibulo akhe, obenguyise wabaseZifi, noonyana bakaMaresha, uyise kaHebron. ₄₃Oonyana bakaHebron nguKora, noTapuwa, noRekem, noShema. ₄₄UShema wazala uRaham, uyise kaYorkeham; uRekemwazala uShamayi. ₄₅Unyana kaShamayi nguMahon; uMahon nguyise wabaseBhete-tsure. ₄₆UEfa, ishweshwe likaKalebhi, wazala uHaran, noMotsa, noGazeze; uHaran wazala uGazeze. ₄₇Oonyana bakaYadayi nguRegem, noYotam noGeshan, noPelete, noEfa, noShahafe. ₄₈UMahaka, ishweshwe likaKalebhi, wazala uShebhere, noTir-hana; ₄₉wazala noShahafe, uyise wabaseMademana, noSheva uyise wabaseMakebhena, noyise wabaseGibheha; intombi kaKalebhi ibinguAkesa.

₅₀Ngabo aba oonyana bakaKalebhi: ngoonyana bakaHuri, amazibulo kaEfrata; uShobhali ozala amaKiriyatiyeharim; uSalima, ₅₁uyise wabaseBhetelehem; uHarefe, uyise wabaseBhete-gadere. ₅₂UShobhali, uyise wabaseKiriyati-yeharim, ebenoonyana: uHarowe, noHatsihamenukoti. ₅₃Imizalwane yaseKiriyati-yeharim ngamaItri, namaPuti, namaShumati, namaMisherayi. Baphuma kuyo abaseTsorati, namaEshtawoli. ₅₄Oonyana bakaSalima ngabaseBhetelehem, nabaseNetofa, abaseAteroti yendlu kaYowabhi, nabaseHazi-hamanati, nabaseTsora. ₅₅Imizalwane yababhali, abemi baseYabhetse, ngabaseTira, ngabaseShemiha, ngabaseSuka. La ngamaKeni avela kuHamati, uyise wabendlu kaRekabhi.