U‐Zekariya 4

₁YABUYA ingelosi eyateta nam yandivusa, njengomntu ovusiweyo ebutongweni bake, ₂yati kum: Ubona nto nina? Ndati: Ndibona nje, kekaloku nantsi ikandelare yegolide ipela, inendebe yayo pezu kwentloko yayo, nezibane zayo ezisixe̔nxe pezu kwayo, namabobo asixe̔nxe kuzo izibane ezipezu kwentloko yayo; ₃neminquma emibini ngakuyo, omnye ngasekunene kwendebe, nomnye ngasekohlo kwayo. ₄Ndaza ndapendula ndateta kwingelosi eyateta nam, ndisiti: Ziyinto nina ezi, nkosi yam? ₅Yapendula ingelosi eyateta nam, yati kum: Akwazi na into ziyiyo ezi? Ndaye ndisiti: Hai, nkosi yam! ₆Yaza yapendula yateta kum, isiti: Eli lilizwi likayehova kuye u‐Zerubabeli, lisiti:

Akungobuṙoti, akungamandla, kungo moya wam, utsho uyehova wemikosi. ₇Ungubanina wena, ntaba nkulu? Ebusweni buka‐Zerubabeli woba litafa: waeya kuvelisa ilitye eliyintloko ngendanduluko zokuti: Ufefe! ufefe lube kulo!

₈Kanjako ilizwi likayehova leza kum, lisiti:

₉Izandla zika‐Zerubabeli ziyisekele indlu le, nezandla zake zoyigqiba; naniya kwazi ukuba uyehova wemikosi unditumile kuni. ₁₀Ngokuba ngubanina owudelileyo umhla wezinto ezincinane? ngokuba lamehlo asixe̔nxe kayehova, lawo asingasingayo kuwo wonke umhlaba, ebevuya akubona iplumete esandleni sika‐Zerubabeli.

₁₁Ndaza ndapendula ndati kuyo: Iyinto nina leminquma mibini ngasekunene kwekandelare nangasekohlo kwayo? ₁₂Ndapendula ngokwesibini ndati kuyo: Ziyinto nina ezombaxa zombini zeminquma, eziti ngawo amabobo omabini egolide ziku̔pe ioli eyigolideṙa kwa kuzo? ₁₃Yaza yateta kum, isiti: Akwazi na into ziyiyo ezi? Ndati: Hai, nkosi yam! ₁₄Yandula yati: Ezi zingabatanjisiweyo ababini, abemiyo pambi kwenkosi yomhlaba wonke.