Incwadi ka‐Paulusi ku‐Titusi 3

₁BAKUMBUZE ukuba balulamele kwabanobukosi nakwabanegunya, babe nokupulapula, babe belungele yonke imisebenzi elungileyo, ₂bangagxeki mntu, bangabi ngabangxoli, babe nokutamba, bebonakalisa ululamo lwonke ngakubo bonke abantu. ₃Ngokuba tina nati sibe sifudula sibudenge, singeva, silahleka, sikonza inkanuko nemihlali emininzi, sihlala elunyeni nasemoneni, sitiyeka, sitiyana. ₄Kodwa okuya kwabonakalayo ububele bomsindisi wetu utixo notando lwake ngasebantwini, ₅bekungengemisebenzi yobulungisa esayenzayo tina, bekungokwetaṙu lake wasisindisayo, ngako ukuhlamba kwokuzalwa‐kutsha nokuhlaziya kwomoya oyingcwele; ₆ate wamgalela pezu kwetu ngobuninzi ngaye u‐Yesu Kristu umsindisi wetu; ₇ukuze ke, sigwetyelwe nje ngofefe lwake, sibe zindlalifa ngokwetemba lobomi obungunapakade.

₈Linyanisekile elilizwi; nezizinto ndinga ungaqinisa ukutshoza ngazo, ukuze abo bakoliweyo kutixo bakatalele ukuku̔tala emisebenzini elungileyo. Zizo ezi izinto ezilungileyo nezinokunceda ebantwini. ₉Kodwa imibuzo ebudenge, neziba̔lelwa zokuzalwa, namapike, nezipikisano ngawo umteto, zinxweme; ngokuba zingenakunceda, zingendawo kanjalo. ₁₀Umntu ongumahlukanisi, yiti emveni kwesesinye nesesibini isiluleko, umale; ₁₁usazinje ukuba lowo unjalo upanjukisiwe kanye, esona nokwona, ezigweba yena ngokwake.

₁₂XESHEKWENI ndiya kumtuma kuwe u‐Aratema, umhlaumbi u‐Tikikusi, nxamela ukuza kum e‐Nikopolisi: ngokuba ndigwebile ukuba ndiya kwenza ubusika kwa lapo. ₁₃U‐Zenasi umqondisimteto, no‐Apolosi, nxamela ukubahambisa ekuhambeni kwabo, kuze kungasweleki nto kubo. ₁₄Kanjalo mabafunde nabetu ukuku̔tala emisebenzini elungileyo ngenxa yentswelo ezifanele ukubako, ukuze bangabi ngabaputileyo.

₁₅Bonke abanam bayakubulisa. Bulisa abo basitandayo elukolweni.

Ufefe malube nani nonke. Amene.