Incwadi ka‐Paulusi kuma‐Roma 1

₁UPAULUSI, isicaka sika‐Yesu Kristu, obiziweyo ukuba ngumpostile, owahlulelwe evangelini katixo, — ₂leyo wayibekelayo ngedinga kwa pambili ngabaprofite bake eziba̔lweni ezingewele, ₃ngaye unyana wake, owazalwa ngenzalo ka‐Davide ngokwenyama, ₄owabonakaliswa ngamandla ukuba ngunyana katixo ngokwomoya wobungcwele ngokuvuka ekufeni, kwa u‐Yesu Kristu inkosi yetu; ₅esati ngaye samkela ufefe nobupostile, kube kukuva kwokolo pakati kwazo zonke intlanga, ngenxa yegama lake; ₆enipakati kwazo nani, ningababizwa baka‐Yesu Kristu:— ₇kubo bonke abase‐Roma, abatandiweyo ngutixo, ababiziweyo ukuba ngabangcwele: Ufefe malube kuni, noxolo, luvela kuye utixo ubawo wetu, nenkosi u‐Yesu Kristu.

₈Nditi ke ukuqala, ndibulela kutixo wam ngaye u‐Yesu Kristu ngenxa yenu nonke, ukuba inkolo yenu iyashunyayelwa kulo lonke ilizwe. ₉Ngokuba utixo elinqi̔na lam, endimkonzayo emoyeni wam kuyo ivangeli yonyana wake, lokokuba ndiyanikankanya ndingayeki, ₁₀ndikunga ngamaxesha onke emitandazweni yam, ukuba kungati kaloku ndoda ndivulelwe indlela ngentando katixo ukuza kuni. ₁₁Ngokuba ndilangazelela ukunibona, ukuze ndinabele isipiwo esibumoya, ukuba niqiniswe; ₁₂oko kukuti ke, ukuba ndonwatyiswe kunye nani pakati kwenu, ngalo ukolo olukuti ngabanye, kwa nolwenu nolwam.

₁₃Kodwa anditandi ukuba nibe ningazi, bazalwana! okokuba ndite futi ndacinga ukuza kuni, (kanti ndaxakwa kwada kwakaloku nje,) ukuze ndibe nezixakato napakati kwenu, njengapakati kwabo nabanye abaheyideni. ₁₄Ndingonetyala kwa kuwo ama‐Girike nakubo abangengama‐Girike, kwa kubo abalumkileyo nakubo ababudenge. ₁₅Kwa njalo okwam sendilungile ukushumayela ivangeli nakuni base‐Roma.

₁₆Ngokuba ndingenantloni ngayo ivangeli ka‐Kristu: ngokuba ingamandla katixo lube lusindiswa kubo bonke abakolwayo; kwa kuye um‐Juda ukuqala, nakuye um‐Girike. ₁₇Ngokuba ubulungisa bukatixo butyilwa kuyo ngokolo kude kube lukolo, njengokuba kuba̔liwe ukuti: Kodwa olungileyo uya kupila ngokolo.

₁₈NGOKUBA kutyilwa umsindo katixo ezulwini ngakuko konke ukungabedeshi nokungalungisi kwabantu, abayibambayo inyaniso kokungalungileyo; ₁₉ngokokuba oko okwazekayo ngotixo kubonakele pakati kwabo; ngokuba utixo wakubonakalisa kubo: ₂₀ngokuba izinto zake ezingabonekiyo ziqiqwa kwa sekudalweni kwelizwe, ziqondwa ngezinto ezenziweyo, kwa amandla ake angunapakade nobutixo bake; ukuze bangabi nakulandula; ₂₁ngokokuba, nangona bamaziyo utixo, abamdumisa njengokuba e ngutixo, ababulela kanjako; koko bamata ezicamangweni zabo, yati intliziyo yabo engenakuqonda yenziwa mnyama. ₂₂Besitsho ukuti bangabalumkileyo baba zizidenge, ₂₃bati ubungcwalisa bake utixo ongonakaliyo babuguqulela umfanekiso ofana nomntu owonakalayo, nentaka, nezilo ezinyawo zine, nezinto ezinambuzelayo.

₂₄Ngako oko kanjalo utixo wabayekelela kuzo inkanuko zentliziyo zabo ekunco̔leni, ukuba bahlazekise imizimba yabo pakati kwabo; ₂₅ekubeni inyaniso katixo bayiguqulela ubuxoki, nezidalwa bazibedesha bazikonza ngapezu kwomdali, odumisekayo kude kube ngunapakade: Amene. ₂₆Ngenxa yoku utixo wabayekelela emilweni ehlazekileyo: ngokuba kwa amankazana abo aguqula okwemvelo ukwenza kube kokungalungelene nemvelo: ₂₇kwa ngokunjalo namadoda, eyeka okwemvelo ukwenza kwinkazana, atsha ekunqweneleni kwawo enye ngakuyo enye, amadoda esenza namadoda okulihlazo, esamkela kwa kuwo ngokwawo impindezelo ebifanele ulahleko lwawo. ₂₈Kanjako njengokuba bebengatandi ukubamba utixo ekwazini kwabo, utixo wabayekelela eluveni olwaliwayo, ukwenza izinto ezingafanelekileyo; ₂₉bezalisiwe kuko konke okungalungileyo, ngumbulo, bubumenemene, bububawa, lulunya; bezele ngumona, lubulalo, lipike, yinkohliso, lulwavela; ₃₀bengabagquguli, abahlebi, abatiyi bakatixo, ababandezeli, abaner̔atshi, abazidlayo, abafumanisi bezinto ezikohlakeleyo, abangevayo abazali, ₃₁abangenakuqonda, abapuli bocebano, abangenalutando lwokuvela, abangaxoliseki, abangenazibele: ₃₂abati, nangona bawaziyo ummiso katixo, wokuba abo bazenza izinto ezinjalo bafanele ukufa, bangazenzi kwa zona kodwa, koko kanjalo batakazela abazenzayo.