Isityilo sika‐Johane 20

₁Ndaza ndabona ingelosi isihla ezulwini, ipete isilotile sesinzulu nomxokelelwane omkulu esandleni sayo. ₂Yaza yayibamba inamba, lonyoka yakudala, enguye u‐Mncetezi no‐Satane, yayinxibela iwaka leminyaka, ₃yayiposela esinzulwini, yayivalela, yabeka isincamatiselo pezu kwayo, ukuze ingabi sazikohlisa intlanga, lide lifezwe elowaka leminyaka: nasemveni kwoko ifanele ukukululwa ixesha elincinane.

₄Ndaza ndazibona iterone, bati bahlala pezu kwazo, banikwa ukugweba: ndabona nemipefumlo yabebenqunyulwe intloko ngezembe ngenxa yobunqi̔na buka‐Yesu, nangenxa yelizwi likatixo, nabo basukuba bengalibedeshanga ir̔amnco, kwa nomfanekiso walo, ababengalwamkelanga kanjalo upa̔u lwalo pezu kwebunzi labo napezu kwesandla sabo; baza bapila bapata ubukumkani ndawonye no‐Kristu iwaka leminyaka. ₅Kodwa abanye abafileyo ababuya bapile lide lafezwa elowaka leminyaka. Lulo olu uvuko lwokuqala. ₆Unetamsanqa uyingcwele lowo unesabiwo eluvukweni lwokuqala: abanjalo ukufa kwesibini akunagunya pezu kwabo, koko beya kuba ngabaperisite bakatixo nabaka‐Kristu, bapate ubukumkani ndawonye naye iwaka leminyaka.

₇Kekaloku nxa lifezwe elowaka leminyaka, u‐Satane wokululwa entolongweni yake, ₈waeya kupuma ukuya kukohlisa intlanga ezisemagumbini omane omhlaba, u‐Goge no‐Magoge, ukubahlanganisela emfazweni; abanani lingangentlabati yolwandle. ₉Bati banyukela pezu kwobubanzi bomhlaba, baṙaula umnquba wabangcwele, nesixeko esitandiweyo: kwaza kwehla umlilo kutixo uvela ezulwini, wabagqibela. ₁₀Kanjako u‐Satane obebakohlisa waposelwa ecibini lomlilo nesufure, apo kukona iṙamnco nomprofite obuxoki; babeya kumbelwa emini nasebusuku kude kube ngunapakade kanapakade.

₁₁Ndaza ndabona iterone emhlope enkulu, nalowo uhleli pezu kwayo, ezati umhlaba nezulu zabaleka ebusweni bake: kwaza akwafunyanelwa zona indawo. ₁₂Ndabona kanjalo abafileyo, abancinane nabakulu, bemi pambi kwotixo; zaza zavulwa incwadi: kwavulwa nenye incwadi, eyeyobomi: bati abafileyo bagwetywa ngezozinto ezibe ziba̔liwe ezincwadini ezo, ngokwemisebenzi yabo. ₁₃Lwaza ulwandle lwanikela abafileyo abebekulo; kanjalo ukufa nehadesi zanikela abafileyo abebekuzo: bagwetywa ke bonke ngabanye ngokwemisebenzi yabo. ₁₄Kwaza kwaposwa ukufa nehadesi ecibini lomlilo. Kuko oku okwesibini ukufa. ₁₅Nosukuba engafunyanwanga eba̔liwe encwadini yobomi waposelwa ecibini lomlilo.