Amaculo 89

₁NDOVUMA ngazo izibele zikayehova kude kube ngunapakade: ngomlomo wam ndiya kwazisa inyaniseko yako kwisizukulwana ngesizukulwana. ₂Ngokuba ndite: Ububele buya kwakiwa kude kube ngunapakade; inyaniseko yako uya kuyiqinisa kwa kuwo amazulu. ₃Ndenzile ucebano nomqashwa wam, ndifungile ku‐Davide isicaka sam: ₄Inzalo yako ndoyimisa kude kube ngunapakade, ndake iterone yako kwisizukulwana ngesizukulwana. Sela.

₅Ewe, amazulu aya kudumisa imimangaliso yako, Yehova! inyaniseko yako nayo entlanganisweni yabazingcwele. ₆Ngokuba ngubanina ezulwini ongalinganiswa noyehova? ngubanina pakati kwonyana babakulu ofana noyehova? ₇Utixo ulungel’ ukwoyikwa kakulu esihlelweni sabazingcwele; woyikekile pezu kwabo bonke abamngqongayo. ₈Yehova, Tixo wemikosi! ngubanina o nguyehova onamandla njengawe? kanjalo inyaniseko yako iyakungqonga. ₉Upete ngobukosi ir̔atshi lolwandle; nxa apakamayo amaza alo uyawati tu. ₁₀Utyumzile i‐Rahabi njengohlatyiweyo; uzicitile intshaba zako ngengalo yako enamandla. ₁₁Amazulu ngawako, umhlaba nawo ngowako; ilizwe, nokuzala kwalo, uzisekele wena. ₁₂Inode nesuyide uzidalile; i‐Tabore ne‐Heremone ziya kugcoba ngegama lako. ₁₃Unengalo enokwomelela; sinamandla isandla sako, sipakamile esokunene sako. ₁₄Ubulungisa nobugwebo bungumsekelo weterone yako; kwohamba ububele nenyaniso pambi kwobuso bako.

₁₅Hai itamsanqa labantu abayaziyo intlokoma yovuyo; bohamba ekukanyeni kwobuso bako, Yehova! ₁₆Ngegama lako bovuyelela imini yonke; nangobulungisa bako baya kupakanyiswa. ₁₇Ngokuba wena ububungcwalisa bamandla abo; nangembuko yako upondo lwetu luya kupakanyiswa. ₁₈Ngokuba ikaka letu le likayehova; nokumkani wetu ngowoyingcwele ka‐Sirayeli.

₁₉Oko wabuteta embonisweni ngoyingcwele yako, wati: Ndibekile uncedo pezu kwonamandla; ndipakamisile oqashiweyo ebantwini. ₂₀Ndimfumene u‐Davide isicaka sam; ndimtambisile ngeoli yam engcwele: ₂₁esiya kuti isandla sam sibe naye ngokuqinileyo: ewe, ingalo yam iya kumomeleza. ₂₂Utshaba aluyi kumfundekela, nonyana wenkohlakalo akayi kumbandezela. ₂₃Ndandiya kucita ebusweni bake abo bayimpi kuye; nabo bamtiyayo ndobabeta. ₂₄Kodwa kwobako naye inyaniseko yam nobubele bam; nangegama lam upondo lwake luya kupakanyiswa. ₂₅Ndandiya kubeka isandla sake elwandle, nesokunene sake emilanjeni. ₂₆Yena uya kubiza kum ngokuti: Ungubawo wam wena, utixo wam, nelityekazi losindiswa lwam. ₂₇Nam ndiya kumenza owamazibulo, opezulu kubo okumkani bomhlaba. ₂₈Ububele bam ndiya kumgcinela bona kude kube ngunapakade; nocebano lwam lwohlala luqinile kuye. ₂₉Kanjalo ndiya kumisa inzalo yake kude kube ngunapakade, neterone yake njengemihla yezulu. ₃₀Xeshekweni abantwana bake bawushiyayo umteto wam, bangahambi ezigwetyweni zam; ₃₁xeshekweni batshitshisa izimiselo zam, bangagcini imiyalelo yam; ₃₂ndiya kwandula ndohlwaye izigqito zabo ngentonga, nenkohlakalo yabo ngemivimbo. ₃₃Kodwa ububele bam andiyi kubuhluta kuye; nenyaniseko yam andiyi kuyenza ixoke. ₃₄Andiyi kutshitshisa ucebano lwam; nento epumileyo emlonyeni wam andiyi kuyiguqula. ₃₅Ndifungile kwa kanye ubungcwele bam, ukuba andiyi kuxokisa u‐Davide. ₃₆Inzalo yake yobako kude kube ngunapakade, neterone yake njengelanga pambi kwam. ₃₇Iya kuqiniswa kude kube ngunapakade njengenyanga, nanjengenqi̔na elinyanisekileyo ezulwini. Sela.

₃₈Kodwa wena ulahlile, wadela; ubuqumbele umtanjiswa wako. ₃₉Ulutiyile ucebano lwesicaka sako; unco̔lisile isitsaba saso kude kube semhlabeni. ₄₀Uzicitile zonke intango zaso; inqaba zaso uzenzile intshabalalo. ₄₁Bonke abadlula ngendlela bayasipanga; sisisigxekwa kubo abamelwane baso. ₄₂Upakamisile isandla sokunene sabayimpi kuso; uzivuyisile zonke intshaba zaso. ₄₃Ewe, utuntuzile uhlangoti lweṙele laso; akusimisanga ekulweni. ₄₄Upelisile inkazimlo yaso; neterone yaso uyiwisele emhlabeni. ₄₅Imihla yobutsha baso uyincipisile; usigubungele ngedano. Sela.

₄₆Kude kube ninina, Yehova? uya kuzifihla kude kube ngunapakade na? umsindo wako uya kutsha njengomlilo na? ₄₇Kumbula ixesha lam ukuba lingakananina! Kunganina ukuba ufumane wenza bonke abantu? ₄₈Nguwupina umntu ohleliyo ongayi kubona ukufa? uya kusindisa umpefumlo wake esandleni sencw̔aba na? Sela. ₄₉Nkosi! zipina izibele zako zangapambili, owabuzifungela u‐Davide enyanisekweni yako? ₅₀Kumbula, Nkosi! ukutukwa kwezicaka zako; ukuba ndikutwele esifubeni sam konke ukutuka kwabantu abaninzi; ₅₁oko intshaba zako zitukile ngako, Yehova! oko zitukile ngako imikondo yomtanjiswa wako.

₅₂Makabongwe uyehova kude kube ngunapakade. Amene, ewe Amene.