Amaculo 7

₁YEHOVA, Tixo wam! ndiyatemba wena; ndisindise kubo bonke abandisukelayo, undikulule: ₂hleze aqwenge umpefumlo wam njengengonyama; eṙazula, kungeko okululayo.

₃Yehova, Tixo wam! ukuba ndike ndenza lento; ukuba kuko inkohlakalo ezandleni zam; ₄ukuba ndimvuzile obexolene nam ngobubi; ukuba ndimpangile owalana nam kungeko tuba; ₅maluti utshaba lusukele umpefumlo wam, luwufumane; ewe, malunyatele ubomi bam kwa semhlabeni, nobungcwalisa bam malubulalise kwa selutulini. Sela.

₆Vuka, Yehova! ngengqumbo yako; zipakamise ngenxa yobuṙalaṙume babo balana nam; zundivukele wenze ukugweba ukumiseleyo. ₇Maiti intlanganiso yentlanga ikupahle; uze ngenxa yayo ubuyele pezulu ke. ₈Uyehova uya kugweba izizwe: ndigwebele, Yehova! njengokwobulungisa bam, nanjengokwobunene bam obukum. ₉Yanga ingapela inkohlakalo yabakohlakeleyo; uze olungileyo umqinise: ngokuba ulinga intliziyo nezintso, Tixo olungileyo!

₁₀Ikaka lam likutixo, osindisayo abantliziyo zilungile. ₁₁Utixo uyagwebela olungileyo, kanti okohlakeleyo utixo uyamqumbela ngemihla yonke. ₁₂Nxa angaguqukiyo, wolola iṙele lake; usel’ etyedile isipeta sake, wasilungisa. ₁₃Kanjalo umlungisele izixo̔bo zokufa; intolo zake uyazidalela abatshutshisi.

₁₄Bona ke, umiti yinkohlakalo; ukaulile ububi, uzele ubuxoki. ₁₅Wemba isigingqi, wasingxoka; weyela esihogweni owasenzayo. ₁₆Ububi bake bobuyela pezu kweyake intloko; nobudlwengu bake bohlela elukakayini lwake.

₁₇Ndiya kudumisa uyehova ngokufanele ubulungisa bake; ndoculela igama likayehova opezu kwonke.