Amaculo 48

₁UYEHOVA umkulu, ulungele ukudunyiswa kakulu esixekweni sotixo wetu, entabeni yake eyingcwele. ₂Intle ngobude, iluvuyiso lwomhlaba wonke, intaba ye‐Ziyone; sisemacaleni asenode isixeko sokumkani omkulu. ₃Utixo uyaziwa ezindlwini zaso zobukosi ukuba uyinyango.

₄Ngokuba, kangela, okumkani bebehlanganisene, badlula kunye. ₅Babona, bandul’ ukuti nqa; betuswa, bemka ngobunxamo. ₆Ingcangcazelo yababamba kona, nentlungu njengeyomfazi ozalayo. ₇Uyapula inqanawa zase‐Tareshishe ngomoya wasempumalanga. ₈Njengokuba sivile, sibonile kwa njalo esixekweni sikayehova wemikosi, esixekweni sotixo wetu; utixo uya kusiqinisa kude kube ngunapakade. Sela.

₉Sibucingile ububele bako, Tixo! pakati kwetempile yako. ₁₀Kwa njengegama lako, Tixo! lunjalo udunyiswa lwako kwada kwasezincameni zomhlaba. Isandla sako sokunene sizele bubulungisa. ₁₁Intaba ye‐Ziyone mayivuye, intombi zakwa‐Juda mazigcobe, ngenxa yezigwebo zako. ₁₂Pahlani i‐Ziyone, niyiṙaule; balani inqaba zayo: ₁₃bekelani udonga lwapandle lwayo intliziyo yenu; gqalani izindlu zayo zobukosi; nize nibalise kwisizukulwana esiza mva. ₁₄Ngokuba lotixo e ngutixo wetu ngonapakade kanapakade; wosikokela kude kube sekufeni.