Amaculo 44

₁SIVILE ngendlebe zetu, Tixo! obawo betu basixelele, isenzo owasenzayo ngemihla yabo, ngamaxesha akudala. ₂Wagxota abaheyideni ngesandla sako, wabatyala obawo; wazicita intlanga, watwabulula bona. ₃Ngokuba bengazuzanga ilizwe ngelabo iṙele, neyabo ingalo ayibasindisanga; besisisandla sako sokunene, nengalo yako, nokukanya kwobuso bako, ngokuba ububakolela.

₄Unguwe ukumkani wam, Tixo! xela zibeko intsindiswa zo‐Yakobi. ₅Ngawe siya kusunduzela pantsi intshaba zetu; ngegama lako siya kunyatela pantsi abo basukela ngakuti. ₆Ngokuba ndingayi kutemba isipeta sam, neṙele lam aliyi kundisindisa. ₇Nguwe osisindisileyo ezintshabeni zetu; nguwe obadanisileyo abo basitiyayo. ₈Simdumisile utixo imini yonke; sasiya kubulela egameni lako kude kube ngunapakade. Sela.

₉Ulahlile noko, wasidanisa; akuhambi nemikosi yetu. ₁₀Uyasibuyisa ngomva elutshabeni; abo basitiyayo bayasipanga. ₁₁Usinikele sibe njengegusha sokutyiwa; wasiti sa pakati kwabaheyideni. ₁₂Uyatengisa ngabantu bako kungeko ndyebo; kanti akwandisi indyebo yako ngexabiso labo. ₁₃Uyasenza sibe sisigxekwa kubamelwane betu, sibe sisihlekwa nesigculelwa kwabo basingqongayo. ₁₄Uyasenza sibe lilizwi lokuzekelisa pakati kwabaheyideni, nesihlunguzelo sentloko pakati kwentlanga. ₁₅Ihlazo lam lipambi kwam imini yonke; ukudana kwobuso bam kundigubungele; ₁₆ngenxa yelizwi lomtuki nomgxeki; ngenxa yotshaba nopindezelayo.

₁₇Konke oku kufikile pezu kwetu; kanti asikulibalanga, asixokanga elucebanweni lwako kanjako. ₁₈Intliziyo yetu ayihlehlanga ngomva; nezihambo zetu azishenxanga endleleni yako; ₁₉nakuba usapule kakulu endaweni yenamba, wasigubungela ngesitunzi sokufa. ₂₀Ukuba silibele igama lotixo wetu, nokuba solule izandla zetu kutixo wasemzini; ₂₁utixo akayi kukupanda na oku? ngokuba ezazi yena izifihlakalo zentliziyo. ₂₂Ngokuba ngenxa yako sibulawa imini yonke, sibalwa ngokungati sizigusha zokuxe̔lwa.

₂₃Vuka. Nkosi! ulala nganina? vuka, ungasilahli kube ngunapakade. ₂₄Yinina ukuba ufihle ubuso bako, ulibale ubunzima betu nokubandezelwa kwetu? ₂₅Ngokuba umpefumlo wetu utotyelwe elutulini; isisu setu site nama emhlabeni. ₂₆Pakama ube luncedo lwetu, usikulule ngenxa yobubele bako.