Amaculo 147

₁DUMISANI uyehova! ngokuba kulungile ukucula kutixo wetu; ngokuba kumnandi; indumiso yinto efanelekileyo. ₂Uyehova uyaka i‐Yerusaleme; abalahliweyo bakwa‐Sirayeli uyababuta. ₃Uyapilisa abantliziyo zigqobokileyo; uyazibopa intlungu zabo. ₄Uyabala inani lenkwenkwezi; uyazibiza zonke ngamagama. ₅Inkosi yetu inkulu, inamandla amakulu; ingqondo yayo ipezu kwembaliso. ₆Uyehova uyapakamisa abalulamileyo; uyatobisa abakohlakeleyo kude kube semhlabeni.

₇Hlabelanani kuyehova ngombulelo; culani kutixo wetu ngekinore; ₈osibekelisa izulu ngamafu, olungisela umhlaba imvula, ohlumisa utyani ezintabeni. ₉Uyamkelisa inkomo ukutya kwazo, namatole onomyai alilayo. ₁₀Akavuyi ngamandla ehashe; akakoliswa yimilenze yendoda. ₁₁Uyehova uyakoliswa ngabamoyikayo, ngabatembayo ebubeleni bake.

₁₂Bonga uyehova, Yerusaleme! dumisa utixo wako, Ziyone! ₁₃Ngokuba eyomelezile imivalo yamasango ako, watamsanqelisa usapo lwako pakati kwako. ₁₄Uyenza uxolo emideni yako; uyakukolisa ngenqolowa etyebileyo. ₁₅Uyatuma isiteto sake emhlabeni; ilizwi lake liyabaleka ngokunxama kakulu. ₁₆Uyanika ingqweqwe njengoboya; uyahlwayela ingqele emhlope njengotutu. ₁₇Uyaposa iliqwa lake njengamaqekeza: ngubanina onokuma pambi kwengqele yake? ₁₈Uyatuma ilizwi lake, zinyibilike; uyavutelisa umoya wake, ele amanzi. ₁₉Uyaxela amazwi ake ku‐Yakobi, imimiso yake nezigwebo zake ku‐Sirayeli. ₂₀Akenjanga njalo kwesinye isizwe: nezigwebo zake abazazanga. — Dumisani uyehova!